រថយន្ត
អត្ថបទពាណិជ្ជកម្ម
ជួបគ្នាថ្ងៃស្អែកនេះ ក្នុងកម្មវិធីបរិច្ចាគឈាមសប្បុរសធម៌ សង្គ្រោះជីវិតមនុស្សដោយមិនរើសអើង នៅក្រុមហ៊ុន ស្តារ អូតូ!!!
×![]()
ដោយ: ថ្មីៗ
ក្រុមហ៊ុន ស្តារ អូតូ ខេមបូឌា និងដៃគូសារព័ត៌មានផ្លូវការ គឺសារព័ត៌អេឡិចត្រូនិកថ្មីៗ ហ្វ្រេសញ៉ូវ និងវិទ្យុប្រជាជនដើម្បីប្រជាជន 91មេហ្គាហឺត សហការជាមួយមជ្ឈមណ្ឌលជាតិផ្តល់ឈាម និងសមាគមន៍អ្នកផ្តល់ឈាមកម្ពុជាទាំងអស់ បានរួមគ្នា បង្កើតកម្មវិធីបរិច្ចាគឈាមសប្បុរសធម៌ នៅថ្ងៃសៅរ៍ ទី១៤ ធ្នូនេះ។ កម្មវិធីនេះ រៀបចំឡើងក្រោមប្រធានបទ «ផ្តល់ឈាម ផ្តល់ក្តីស្រឡាញ់ និងសង្គ្រោះជីវិតមនុស្សដោយគ្មានការរើសអើង»។
ចាប់ពីម៉ោង៨ព្រឹក រហូតដល់ម៉ោង៣រសៀល ថ្ងៃទី១៤ ខែធ្នូ ឆ្នាំ២០១៩ នៅអគារតាំងបង្ហាញរថយន្ត មើស៊ីឌីស-បិនស៍ ដែលស្ថិតនៅបណ្តោយផ្លូវ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ នឹងមានរៀបចំកម្មវិធី កម្មវិធីបរិច្ចាគឈាមសប្បុរសធម៌ ក្រោមប្រធានបទ «ផ្តល់ឈាម ផ្តល់ក្តីស្រឡាញ់ និងសង្គ្រោះជីវិតមនុស្សដោយគ្មានការរើសអើង»។
សប្បុរសជនអាចចូលរួមបរិច្ចាគឈាមជាមួយបាន ដោយគ្រាន់តែអញ្ជើញមកចុះឈ្មោះ ជាមួយ ក្រុមហ៊ុន ស្តារ អូតូ ឬចុះឈ្មោះជាមួយសមាគមន៍អ្នកផ្តល់ឈាមកម្ពុជា ឬក៏អញ្ជើញមកក្រុមហ៊ុន ស្តារ អូតូ ដោយផ្ទាល់ នៅព្រឹកថ្ងៃទី១៤ ខែធ្នូ ឆ្នាំ២០១៩។
ក្រុមហ៊ុន ស្តារ អូតូ ដែលជាអ្នកផ្តួចផ្តើមបង្កើតកម្មវិធីនេះ សូមអំពាវនាវដល់ប្រជាជនកម្ពុជាគ្រប់ជាន់ថ្នាក់ទាំងអស់ ចូលរួមបរិច្ចាគឈាមដោយស្ម័គ្រចិត្តឲ្យបានច្រើន ព្រោះការផ្តល់ឈាម គឺជាការផ្តល់នូវក្តីស្រឡាញ់ដែលមិនអាចកាត់ថ្លៃបាន ហើយថែមទាំងបានសង្គ្រោះជីវិតមនុស្សទូទៅដោយគ្មានការរើសអើងថែមទៀតផង។ គ្រប់ដំណក់ឈាមរបស់លោកអ្នក សង្គ្រោះជីវិតមនុស្សបានមួយនាក់ ឬច្រើននាក់។ ដំណក់ឈាម ដំណក់ជីវិត!។ សូមបញ្ជាក់ថា អ្នកចូលរួមបរិច្ចាគឈាម ក៏នឹងទទួលបានកាដូអនុស្សាវរីយ៍ អាហារសម្រន់ និងភេសជ្ជៈសម្រាប់ទទួលទានដោយឥតគិតថ្លៃផងដែរ។
ប្រការត្រូវដឹងមុនពេលបរិច្ចាគឈាម៖
១. គេងឲ្យបាន៤ម៉ោងយ៉ាងតិច។
២. ញ៉ាំទឹកឲ្យបានច្រើន។
៣. ញ៉ាំអាហារធម្មតា។
៤. កុំញ៉ាំគ្រឿងស្រវឹង។
៥. មិនត្រូវញ៉ាំថ្នាំពេទ្យជាពិសេសថ្នាំអាស្ពីរីន(Aspirin)។
ប្រការត្រូវដឹងក្រោយពេលបរិច្ចាគឈាមរួច៖
១. ត្រូវគេងឲ្យបាន៤ម៉ោងយ៉ាងតិច (ពេលយប់)។
២. ញ៉ាំទឹកឲ្យបានច្រើន។
៣. ញ៉ាំអាហារធម្មតា។
៤. កុំញ៉ាំគ្រឿងស្រវឹង។
អត្ថប្រយោជន៍នៃការបរិច្ចាគឈាម៖
១. កាត់បន្ថយហានិភ័យនៃជំងឺមហារីកនានា។
២.កាត់បន្ថយកំហាប់ឈាម និងការលើសជាតិដែក ដែលធ្វើឲ្យមានផលប៉ះពាល់ដល់ថ្លើម និងលំពែង។
៣. ជួយឲ្យប្រសើរឡើង នូវសុខភាពបេះដូង និងបន្ថយការឡើងទម្ងន់។
៤. ជំរុញការបង្កើតគ្រាប់ឈាមថ្មី។
៥.ទទួលបានការពិនិត្យសុខភាពមុនបរិច្ចាគឈាម។
៦. រីករាយក្នុងការផ្តល់អំណោយឈាមដើម្បីសង្គ្រោះជីវិតមនុស្ស។
សូមចូលរួមបរិច្ចាគឈាមដោយស្ម័គ្រចិត្ត ដើម្បីសង្គ្រោះជីវិតមនុស្សដោយគ្មានការរើសអើងជាមួយក្រុមហ៊ុន ស្តារ អូតូ ខេមបូឌាទាំងអស់គ្នា នៅព្រឹកថ្ងៃទី១៤ ខែធ្នូ ឆ្នាំ២០១៩។ សម្រាប់ព័ត៌មានបន្ថែម សូមទំនាក់ទំនងសូមទំនាក់លេខ ០១៧ ២៣១ ៤៨៨៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
