កីឡាជាតិ
ជាតិ
AFC Cup៖ ស្វាយរៀងត្រូវប្រជែងដណ្តើមកៅអីវគ្គ Group Stage ជាមួយ Master 7 របស់ឡាវ
ក្រុមព្រះខ័នរាជស្វាយរៀងពេលលើកពានលីគកំពូលឆ្នាំ២០១៩, រូបភាពពីក្លិបព្រះខ័នរាជស្វាយរៀង
×![]()
ក្រុមជើងឯកលីគកំពូលកម្ពុជាព្រះខ័នរាជស្វាយរៀង ត្រូវប្រជែងជាមួយក្រុម Master 7 របស់ឡាវ នៅវគ្គ Playoff ដើម្បីដណ្តើមកៅអីឡើងទៅប្រកួតនៅវគ្គចែកពូល(Group Stage)នៃពានរង្វាន់ AFC Cup 2020។ បើព្រះខ័នរាជស្វាយរៀងអាចយកឈ្នះក្រុមរបស់ឡាវមួយនេះ នោះពួកគេនឹងស្ថិតនៅក្នុងពូល G ជាមួយក្រុមចំនួន៣ផ្សេងទៀត។ 
ការប្រកួតវគ្គ Playoff រវាងក្រុមព្រះខ័នរាជស្វាយរៀងជាមួយ Master 7 របស់ឡាវធ្វើឡើងពីរជើង ដោយជើងទី១រៀបចំនៅថ្ងៃទី២២ ខែមករា ឆ្នាំ២០២០ នៅពហុកីឡដ្ឋានជាតិ។ ចំណែកជើងទី២ធ្វើឡើងនៅថ្ងៃទី២៩ ខែមករា ឆ្នាំ២០២០ នៅលើទឹកដីឡាវ នាកីឡដ្ឋាន Lao National Stadium។
តាមលទ្ធផលចាប់ឆ្នោតកាលពីថ្ងៃទី១០ ខែធ្នូ ឆ្នាំ២០១៩ បើព្រះខ័នរាជស្វាយរៀងអាចយកឈ្នះក្រុមជើងឯករង Master 7 របស់ឡាវ នោះពួកគេនឹងស្ថិតនៅក្នុងពូល G ជាមួយ Ceres Negros របស់ហ្វីលីពីន, Than Quang Ninh របស់វៀតណាម និងក្រុមឡើងមកពីវគ្គ Playoff រវាងក្រុម Bali United ឬIndonesia Third club របស់ឥណ្ឌូណេស៊ី៕
Tag:
បាល់ទាត់
Master 7
ព្រះខ័នរាជស្វាយរៀង
© រក្សាសិទ្ធិដោយ thmeythmey.com
