ក្រសួងអប់រំ ជ្រើសរើសកុមារ៤រូប ចូលរួមកម្មវិធី«ការបោះជំរំស្ពានរដូវក្តៅ»នៅជប៉ុន

ជាតិ

សង្គមជាតិ

ក្រសួងអប់រំ ជ្រើសរើសកុមារ៤រូប ចូលរួមកម្មវិធី«ការបោះជំរំស្ពានរដូវក្តៅ»នៅជប៉ុន

14, Dec 2019 , 4:59 pm

រូបភាព

រូបភាពពីហ្វេសប៊ុកក្រសួងអប់រំ យុវជន និងកីឡា

ដោយ:

ភ្នំពេញ៖ ក្រសួងអប់រំ យុវជននិងកីឡា ប្រកាសជ្រើសរើសកុមារ៤រូប (ស្រី២រូប ប្រុស២រូប)ទៅចូលរួមកម្មវីធី ការបោះជំរំស្ពានរដូវក្តៅ(Bridge Summer Camp)នៅប្រទេសជប៉ុនតបតាមការអញ្ជើញ របស់លោក Yutaka Aso ប្រធានកម្មវិធីនិសន្និសីទកុមារអាស៊ីប៉ាស៊ីហ្វិក ។

កម្មវិធី«ការបោះជំរំស្ពានរដូវក្តៅ»ប្រព្រឹត្តទៅចាប់ពីថ្ងៃទី១១ ដល់ថ្ងៃទី២៤ កក្កដា ឆ្នាំ២០២០ ដែលរាល់ការចំណាយ ផ្សេងៗជាបន្ទុកភាគីជប៉ុន។

ក្រសួងបញ្ជាក់ទៀត បេក្ខជននិងបេក្ខនារី ដែលចូលរួមត្រូវ មានអាយុចាប់ពី១១ឆ្នាំ ចេះភាសាអង់គ្លេសច្បាស់លាស់ មានចំណូលចិត្តខាងសិល្បៈ គោរពវិន័យល្អ មានបុគ្គលិកលក្ខណៈល្អ ជាស្សិសឆ្នើម ឬមានបទពិសោធន៍ដឹកនាំក្នុងសាលាមានលទ្ធភាពទិញសម្ភារប្រើប្រាស់ និងមានលិខិតឆ្លងដែន។

គួរបញ្ជាក់ថា ការដាក់ពាក្យសុំចូលរួមធ្វើតេស្ត និងព័ត៌មានផ្សេងៗ បេក្ខជនត្រូវទំនាក់ទំនងទៅការិយាល័យរដ្ឋបាលនៃនាយកដ្ឋានយុវជន ចាប់ពីថ្ងៃផ្សាយដំណឹង រហូតដល់ថ្ងៃទី៣ ខែមករា ឆ្នាំ២០២០៕