អ្នកកាសែតកម្ពុជា៤រូប ចូលរួមទស្សនកិច្ចស្វែងយល់ពី ប្រព័ន្ធផ្សព្វផ្សាយ និងបច្ចេកវិទ្យាព័ត៌មានថ្មី នៅចិន

ជាតិ

សង្គមជាតិ

អ្នកកាសែតកម្ពុជា៤រូប ចូលរួមទស្សនកិច្ចស្វែងយល់ពី ប្រព័ន្ធផ្សព្វផ្សាយ និងបច្ចេកវិទ្យាព័ត៌មានថ្មី នៅចិន

15, Dec 2019 , 3:59 pm

រូបភាព

ដោយ:

ទីក្រុងChengdu ប្រទេសចិន៖ អ្នកកាសែតកម្ពុជា៤រូប និងបណ្តាអ្នកកាសែត១០ប្រទេសទៀត រួមមាន ថៃ ឡាវ វៀតណាម ឥណ្ឌូណេស៊ី មីយ៉ាន់ម៉ា សឹង្ហបុរី ម៉ាឡេស៊ី ប្រុយណេ ហ្វីលីពីន កូរ៉េ ចិន និងជប៉ុន នឹងចូលរួមដំណើរទស្សនកិច្ចស្វែងយល់ពីប្រព័ន្ធផ្សព្វផ្សាយព័ត៌មាន និងបច្ចេកវិទ្យាព័ត៌មានថ្មីនៅប្រទេសចិនរយៈពេល១០ថ្ងៃ ចាប់ពីថ្ងៃទី១៤-២៣ ខែឆ្នូ ដែលរៀបចំឡើងដោយសារព័ត៌មានរដ្ឋដ៏ធំបំផុតរបស់ប្រទេសចិន People’s Daily។

អ្នកកាសែតកម្ពុជា៤រូប មកពីសារព័ត៌មានអេឡិចត្រូនិកថ្មីៗ សារព័ត៌មានដើមអម្ពិល និងសារព័ត៌មានកោះសន្តិភាព រួមទាំងអ្នកសារព័ត៌មានដែលមកពីប្រទេសទាំង១០ នឹងផ្តើមបេសកម្មរបស់ខ្លួនដោយចូលរួមវេទិកាស្តីពី និន្នាការប្រមូលផ្តុំប្រព័ន្ធផ្សព្វផ្សាយដែលមាននៅក្នុងប្រទេសចិន និងពិភពលោក ការវិវត្តនៃប្រព័ន្ធផ្សព្វផ្សាយរបស់សារព័ត៌មានរដ្ឋចិន People’s Daily ការអនុវត្តជំនាញព័ត៌មានអំពីការរាយការណ៍ព័ត៌មានអន្តរជាតិ និងការផលិតព័ត៌មានវីដេអូ និងមានកិច្ចពិភាក្សាជាមួយអ្នកកាសែតអាជីព។

រយៈពេល១០ថ្ងៃនៃដំណើរទស្សនកិច្ចក្នុងប្រទេសចិននេះ អ្នកកាសែតទាំងអស់នឹងទស្សនាស្ថាប័នព័ត៌មានរបស់People’s Daily បណ្តាក្រុមហ៊ុនធំៗរបស់ចិន និងទីតាំងប្រវត្តិសាស្ត្រដែលជាសម្បត្តិបេតិកភណ្ឌពិភពលោករបស់ចិន។

សារព័ត៌មាន People’s Daily ដែលត្រូវបានបង្កើតឡើងនៅក្នុងឆ្នាំ១៩៤៨ គឺជាស្ថាប័នមួយនៅក្នុងមជ្ឍិមបក្សនៃបក្សកុម្មុយនីស្តចិន។ People’s Daily គឺជាសារព័ត៌មានដ៏មានឥទ្ធិពលជាងគេនៅក្នុងប្រទេសចិន ហើយក៏បានពង្រីកទម្រង់ផ្សព្វផ្សាយជាច្រើន និងមានការិយាល័យនៅក្រៅប្រទេសទៀតផង៕