BTV Cup៖ U18 កម្ពុជានៅឱកាសប្រជែងយកលេខ៣ ក្រោយចាញ់វៀតណាម

កីឡាជាតិ

ជាតិ

BTV Cup៖ U18 កម្ពុជានៅឱកាសប្រជែងយកលេខ៣ ក្រោយចាញ់វៀតណាម

16, Dec 2019 , 3:20 pm

រូបភាព

សកម្មភាពប្រកួតរវាង U18 កម្ពុជា(អាវស)ជាមួយ U20 វៀតណាម

ដោយ:

ក្រុមកីឡាករជម្រើសជាតិអាយុក្រោម ១៨ឆ្នាំ (U18)កម្ពុជា នៅឱកាសប្រជែងដណ្តើមយកលេខ៣ ក្នុងពានរង្វាន់ BTV Cup បន្ទាប់ពីពួកគេប្រកួតចាញ់ U20 វៀតណាម ៣-០ នៅវគ្គពាក់កណ្តាលផ្តាច់ព្រ័ត្រ នៅល្ងាចថ្ងៃទី១៥ ខែធ្នូ ឆ្នាំ២០១៩។ U20 វៀតណាម ត្រូវប្រជែងដណ្តើមជើងឯក ជាមួយ Becamex Binh Duong ដែលទម្លាក់ U20 មីយ៉ាន់ម៉ា ដោយបាល់ប៉េណាល់ទី ៥-៤។

ក្រុម U18 កម្ពុជាបាត់បង់ឱកាសឡើងទៅវគ្គផ្តាច់ព្រ័ត្រ នៃពានរង្វាន់មិត្តភាពអន្តរជាតិ BTV Cup 2019 បន្ទាប់ពីពួកគេប្រកួតចាញ់ក្រុម U2០ វៀតណាម ក្នុងលទ្ធផល ៣-០ នៅវគ្គពាក់កណ្តាលផ្តាច់ព្រ័ត្រ។ តែយ៉ាងណា ក្រុមគោព្រៃជំទង់កម្ពុជា នៅឱកាសប្រជែងដណ្តើមយកលេខ៣ ជាមួយ U20 មីយ៉ាន់ម៉ា ដែលចាញ់ក្រុមម្ចាស់ផ្ទះ Becamex Binh Duong ដោយបាល់ប៉េណាល់ទី ៥-៤ ក្រោយពួកគេរក្សាលទ្ធផលស្មើ ៣-៣ ក្នុងការប្រកួត៩០នាទី។

ការប្រកួតដណ្តើមយកចំណាត់ថ្នាក់លេខ៣ រវាង U18 កម្ពុជាជាមួយ U20 មីយ៉ាន់ម៉ា ធ្វើឡើងនៅថ្ងៃទី១៧ ខែធ្នូ ឆ្នាំ២០១៩ វេលាម៉ោង៦ល្ងាច ខណៈការប្រកួតដណ្តើមជើងឯក រវាង U20 វៀតណាមជាមួយ Becamex Binh Doung ប្រព្រឹត្តទៅថ្ងៃទី១៨ ខែធ្នូ ឆ្នាំ២០១៩ វេលាម៉ោង៦ល្ងាចដូចគ្នា។

ពានរង្វាន់មិត្តភាព BTV Cup 2019 ដែលរៀបចំនៅខេត្ត Binh Doung ប្រទេសវៀតណាម មានក្រុមចូលរួមចំនួន៤ រួមមាន Becamex Binh Doung, U18 កម្ពុជា, U20 វៀតណាម និង U20 មីយ៉ាន់ម៉ា៕