អត្ថបទពាណិជ្ជកម្ម
ដំបូលអគារសិក្សា«D»នៃសាកលវិទ្យាល័យភូមិន្ទវិចិត្រសិល្បៈ ត្រូវបានជួសជុលរួចរាល់ ក្រោមការឧបត្ថម្ភរបស់ក្រុមហ៊ុន ជីប ម៉ុង
×![]()
ដោយ: ថ្មីៗ
ភ្នំពេញ៖ ដំបូលអគារសិក្សា «D» នៃសាកលវិទ្យាល័យភូមិន្ទវិចិត្រសិល្បៈ ដែលមានអាយុកាលប្រមាណមួយសតវត្ស បានបញ្ចប់ការជួសជុលរួចរាល់ និងប្រក់ក្បឿងថ្មី ដោយរក្សានូវរចនាបថដើម បន្ទាប់ពីចំណាយពេលជាង២ខែ ក្នុងការកែលម្អជួសជុល។ ក្រុមហ៊ុន ជីប ម៉ុង គឺជាអ្នករ៉ាប់រងផ្នែកហិរញ្ញវត្ថុទាំងស្រុង លើការកែលម្អដំបូលអគារសិក្សា«D»នេះ។
ពិធីប្រគល់ និងទទួលជាផ្លូវការដំបូលអគារសិក្សា «D» នៃសាកលវិទ្យាល័យភូមិន្ទវិចិត្រសិល្បៈក្រោមការឧត្ថម្ភរបស់ក្រុមហ៊ុន ជីប ម៉ុង ត្រូវបានធ្វើឡើង នាព្រឹកថ្ងៃទី១៧ ធ្នូ ឆ្នាំ២០១៩ នៅសាកលវិទ្យាល័យភូមិន្ទវិចិត្រសិល្បៈផ្ទាល់។
អ្នកគ្រប់គ្រងផ្នែកទំនាក់ទំនងសាធារណៈ របស់ក្រុមហ៊ុន ជីប ម៉ុង លោក បូរី ស៊ីលីវណ្ណ បញ្ជាក់ថា៖«ក្រុមហ៊ុន ជីប ម៉ុង តែងតែចូលរួមយ៉ាងសកម្ម ក្នុងការបរិច្ចាគទៅសង្គមវិញ។ ការជួយជួសជុលដំបូលអគារសិក្សា «D» នៃសាកលវិទ្យាល័យភូមិន្ទវិចិត្រសិល្បៈនេះ នឹងជួយសម្រួលដល់ការសិក្សារបស់និស្សិត ឲ្យកាន់តែប្រសើរ បញ្ចៀសបញ្ហាលិចទឹក ដែលនាំឲ្យប៉ះពាល់ដល់សម្ភារសិក្សា»។
លោក បូរី ស៊ីលីវណ្ណ បន្ថែមថា ការចូលរួមរបស់ក្រុមហ៊ុន ជីប ម៉ុង ក្នុងការជួសជុលដំបូលអគារនេះ មិនត្រឹមតែជួយលើកស្ទួយវិស័យអប់រំប៉ុណ្ណោះទេ ប៉ុន្តែបានជួយអភិរក្ស និងអភិវឌ្ឍបេតិកភណ្ឌជាតិផងដែរ ពីព្រោះការជួសជុលដំបូលអគារនេះ ធ្វើឡើងដោយរក្សារចនាបថដើម ឲ្យនៅដដែល។
សាកលវិទ្យាធិការរង នៃសាកលវិទ្យាល័យភូមិន្ទវិចិត្រសិល្បៈ លោក ជីង សោមមុនី មានក្ដីសោមនស្សរីករាយ ចំពោះក្រុមហ៊ុន ជីប ម៉ុង ដែលបានរួមចំណែកក្នុងវិស័យអប់រំ និងវប្បធម៌ ដោយជួយអភិរក្ស និងអភិវឌ្ឍសម្បតិ្តបេតិកភណ្ឌជាតិមួយនេះ ព្រមទាំងកិច្ចសហប្រតិបត្តិការ នាពេលកន្លងមក ព្រមទាំងអនាគត៕
(អត្ថបទពាណិជ្ជកម្ម)
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
