​ក្រុមហ៊ុន Mazda  ប្រចាំ​ប្រទេស​កម្ពុជា​បានធ្វើ​សន្និសីទកាសែត​មួយ​ស្តីពី​កម្មវិធី​ចាប់​រង្វាន់​មាស​សុទ្ធ​១២​គីឡូ កាលពី​ថ្ងៃទី ១៧ ខែ ធ្នូ ឆ្នាំ ២០១៩ ថ្មីៗ​នេះ​។​
 

​បើតាម​លោកស្រី អ៊ុន កញ្ញា ប្រធាន​គ្រប់គ្រង​ទូទៅ​របស់​ក្រុមហ៊ុន HGB Auto បានឱ្យដឹងថា​៖ «​ដោយហេតុ​តែមាន​សន្ទុះ​គាំទ្រ និង​ការ​សំណូមពរ​ពី​អតិថិជន​ជាច្រើន​ផងដែរ​នោះ ក្រុមហ៊ុន អេ​ច ជី ប៊ី អូ​តូ បានសម្រេច​ដាក់​បន្ត​ឲ្យ​មាននូវ​ប្រូ​ម៉ូ​សិន​មាស​សម្រាប់​រដូវ​កាល​ទី​៣​។ ហើយ​អ្វីដែល​ពិសេស​ជាង​មុន​ទៅទៀត​នោះ គឺ​កម្មវិធី​ឈ្នះ​រង្វាន់​ធំ មាស​សុទ្ធ​រហូតដល់​ទៅ​១២​គីឡូ ដែល​ក្នុងនោះ​មាន​រង្វាន់​ដូចជា មាស​សុទ្ធ ២​គីឡូ មាស​សុទ្ធ​កន្លះ​គីឡូ ២​តម្លឹង ១​តម្លឹង ៥​ជី និង​១​ជី​។ មកទល់​ត្រឹម​ថ្ងៃនេះ មាន​អតិថិជន​ជាង ២០០០​នាក់​បាន​ក្លាយជា​ម្ចាស់​រថយន្ត​ក្នុងអំឡុងពេល​ប្រូ​ម៉ូ​សិន​នេះ​រួចទៅហើយ ។​ហើយ​រង្វាន់​មាស ១២​គីឡូ​នេះ​ទៀតសោត​ក៏មាន​ចំនួន​កំណត់​ផងដែរ ដូច្នេះ​ពួកយើង​នឹង​សុំ​ធ្វើ​ការបិទ​ប្រូ​ម៉ូ​សិន​នៅត្រឹម​ថ្ងៃទី​១០ ខែមករា ឆ្នាំ​២០២០​។​»
 

 
 

​សូមបញ្ជាក់​ផងដែរ​ថា កម្មវិធី​ចាប់​រង្វាន់​មាស​រដូវ​កាល​ទី​៣ ចំនួន ១២​គីឡូ នឹង​ប្រព្រឹត្តទៅ​នៅក្នុង​ខែ មករា ឆ្នាំ​២០២០​នេះហើយ​។ ដូច្នេះ​សូម​អតិថិជន​ដែល​មិនទាន់​បានទទួល​រថយន្ត និង​មិនទាន់បាន​ជាវ​សូម​ប្រញាប់​រួសរាន់​ឡើង​កុំ​ឲ្យ​ឱកាស​មាស​ដ៏​អស្ចារ្យ​នេះ​កន្លងផុតទៅ​ឲ្យ​សោះ​។​
 

​អ្វីដែល​កាន់តែ​ពិសេស​នោះ Mazda Cambodia បាន​បង្កើត​នូវ​ការលក់​ពិសេស​ជាមួយ​រថយន្ត  Mazda BT-50 ឆ្នាំ ២០២០ ម៉ាស៊ីន 2.2 លីត្រ ជាមួយ​តម្លៃ​ត្រឹម ៣០ ០០០ ដុល្លារ និង BT-50 ម៉ាស៊ីន 3.2 លីត្រ មានតម្លៃ​ត្រឹមតែ ៣៦ ០០០ ដុល្លារ​។  
 

​សម្រាប់​ព័ត៌មាន​បន្ថែម អាចទាក់ទង​ទៅ​៖
 

​ផ្ទះ​លេខ ៣៧៩ មហាវិថី​សហព័ន្ធ​រុស្សី សង្កាត់​កា​កាប ខណ្ឌ​ពោធិ៍​សែន​ជ័យ ភ្នំពេញ លេខ​ទូរ​សព្ទ 095 999 699/ 023 995 567/ 023 995 678/ 023 999 678​។​

​ផ្ទះ​លេខ ៧៥៧ មហាវិថី​ព្រះមុនីវង្ស បឹងត្របែក ខណ្ឌចំការមន ភ្នំពេញ លេខ​ទូរ​សព្ទ 095 999 599/ 023 988 881/ 023 977 771/ 023 999 678 ឬ​ចូលទៅ​ផេ​ក​ហ្វេ​ស​ប៊ុ​ក Mazda Cambodia៕














 

​