ជាតិ
ពីនេះ ពីនោះ
ការបំពាក់ស្លាកសញ្ញាដើម្បីតាមដាន និងលែងប្រភេទត្រីជិតផុតពូជចូលក្នុងទន្លេមេគង្គវិញ
បណ្ឌិត ហ្សេប ហូហ្គេន កំពុងរៀបចំលែងត្រីគល់រាំងមួយក្បាល ចូលទៅក្នុងទន្លេមេគង្គ កាលពីថ្ងៃទី ៥ ខែវិច្ឆិកា ឆ្នាំ ២០១៩ កន្លងទៅនេះ បន្ទាប់ពីបានបំពាក់ស្លាកសញ្ញាសម្គាល់ដើម្បីតាមដាន ពីចម្ងាយផ្លូវធ្វើចរាចរ និងការលូតលាស់របស់វា រាប់ចាប់ពីថ្ងៃដែលបានលែង រហូតដល់ថ្ងៃដែលត្រូវចាប់វាបានមកវិញ។ គួរបញ្ជាក់ថា ត្រីគល់រាំង ត្រូវបានប្រកាសកំណត់ជាមច្ឆានិម្មិត្តរូប នៃព្រះរាជាណាចក្រកម្ពុជា តាមព្រះរាជក្រឹត្យលេខ នសរកត/០៣០៥/១៤៩ ចុះថ្ងៃទី២១ ខែមីនា ឆ្នាំ២០០៥។ រូបភាព៖ ឈុត ឈាណា
×![]()
ដោយ: ថ្មីៗ
ត្រីគល់រាំង និងប្រភេទត្រីប្រាជាច្រើនក្បាល ដែលជាប្រភេទត្រីរងគ្រោះជិតផុតពូន ត្រូវបានបំពាក់ស្លាកសញ្ញាសម្គាល់ដើម្បីតាមដាន និងលែងចូលទៅក្នុងទន្លេមេគង្គវិញ ដោយគម្រោងអច្ឆរិយភាពនៃទន្លេមេគង្គ សហការជាមួយវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប នៃរដ្ឋបាលជលផល។ គួរបញ្ជាក់ថា កាលពី២ឆ្នាំកន្លងទៅ ត្រីទាំងនេះ ដែលនៅតូចៗនៅឡើយ ត្រូវបានគម្រោងប្រមូលបានពីប្រជានេសាទ ដែលពួកគាត់ចាប់បានដោយប្រើប្រាស់ឧបករណ៍នេសាទមិនស្របច្បាប់ យកទៅថែបំប៉ននៅក្នុងស្ថានីយ៍ស្រាវជ្រាវ និងផលិតកូនត្រីពូជ បាទី ដែលមានទីតាំងស្ថិតនៅស្រុកពាមរក៍ ខេត្តព្រៃវែង។ នេះជាលើកទីពីរហើយ ដែលគម្រោងបានបំពាក់ស្លាកសញ្ញាសម្គាល់ និងលែងត្រីប្រភេទជិតផុតពូជ ចូលទៅក្នុងទន្លេមេគង្គវិញ ដោយមានការចូលរួមលែងដោយផ្ទាល់ ពីសំណាក់ប្រធានគម្រោងអច្ឆរិយភាពនៃទន្លេមេគង្គ លោកបណ្ឌិត ហ្សេប ហូហ្គេន និងក្រុមការងារ។
សូមទស្សនាវីដេអូក្លីបស្តីពីសកម្មភាពទាំងនេះដូចតទៅ៖
សូមទស្សនាវីដេអូក្លីបស្តីពីសកម្មភាពទាំងនេះដូចតទៅ៖
© រក្សាសិទ្ធិដោយ thmeythmey.com
