ព្រះមហាក្សត្រ​តែងតាំង​អ្នកស្រី នាង ផល្លា ជាទី​ប្រឹក្សា​ក្រសួង​អប់រំ​
ជាតិ
ព្រះមហាក្សត្រ​តែងតាំង​អ្នកស្រី នាង ផល្លា ជាទី​ប្រឹក្សា​ក្រសួង​អប់រំ​
22, Dec 2019 , 11:45 am        
រូបភាព
អ្នកស្រី នាង ផល្លា នាយិការវិទ្យាស្ថានជាតិអប់រំពិសេស
អ្នកស្រី នាង ផល្លា នាយិការវិទ្យាស្ថានជាតិអប់រំពិសេស
​ភ្នំពេញ​៖ ព្រះករុណា​ព្រះបាទ​សម្ដេច​ព្រះបរមនាថ នរោត្តម សីហមុនី ព្រះមហាក្សត្រ​ខ្មែរ បាន​ត្រាស់បង្គាប់​តែងតាំង​និង​ផ្ដល់​ឋានៈ​ដល់​អ្នកស្រី នាង ផល្លា ជាទី​ប្រឹក្សា​ក្រសួង​អប់រំ​យុវជន និង​កីឡា ឋានៈ​ស្មើ​អគ្គនាយក បន្ថែម​លើ​មុខងារ​បច្ចុប្បន្ន​។ នេះ​បើតាម​ព្រះរាជក្រឹត្យ ចុះ​ថ្ងៃទី​១៤ ធ្នូ​។​


 
​អ្នកស្រី នាង ផល្លា បច្ចុប្បន្ន​គឺជា​នាយិកា​វិទ្យាស្ថាន​ជាតិ​អប់រំ​ពិសេស ដែល​ទទួលបន្ទុក​សិស្ស​មាន​ពិការភាព ដូចជា​គ​ថ្លង់​និង​ពិការភ្នែក​ជាដើម ក្រោម​ការគ្រប់គ្រង​រប​ស់​ក្រសួង​អប់រំ​យុវជន និង​កីឡា​។ ធ្លាប់​ធ្វើការ​ក្នុង​អង្គការ​គ្រួសារ​ថ្មី អស់​រយៈពេលប្រមាណ​ ​៣០​ឆ្នាំ អ្នកស្រី នាង ផល្លា បានរួម​ចំណែក​ច្រើន ក្នុង​ដំណើរការ​ធ្វើឱ្យ​ប្រសើរឡើង​នូវ​គុណភាព​ជីវិត និង​ចំណេះដឹង​របស់​កុមារ​មាន​ពិការភាព​។ 
 
​អង្គការ​គ្រួសារ​ថ្មី ជា​អង្គការ​បរទេសមួយ ដែល​បាន​ជួយ​កុមារ​ក្រក្រី និង​កុមារ​មាន​ពិការភាព ឱ្យ​ពួកគេ​មាន​អាហារ និង​ទទួលបាន​ការអប់រំ​ដូច​កុមារ​ទូទៅ ព្រមទាំង​បង្ហាត់​ពួកគេ​ឱ្យមាន​ជំនាញ​សិល្បៈ ដូចជា​តន្ត្រី និង​របាំ ជាដើម ដើម្បីឱ្យ​ពួកគេ​អាច​ចិញ្ចឹម​ខ្លួន​បាន​៕

Tag:
 នាង ផល្លា​
  អប់រំ​
  តែងតាំង​
  ក្រសួង​អប់រំ​
  ព្រះមហាក្សត្រ​
© រក្សាសិទ្ធិដោយ thmeythmey.com