ជាតិ
បទយកការណ៍ / បទសម្ភាសន៍
សេដ្ឋកិច្ច
លោក លឹម ហេង៖ សភាពាណិជ្ជកម្ម បានដើរតួនាទីសំខាន់ជួយដល់អ្នករកស៊ីនៅកម្ពុជា លោក លឹម ហេង អនុប្រធានសភាពាណិជ្ជកម្មកម្ពុជា
× ភ្នំពេញ៖ សភាពាណិជ្ជកម្ម(Cambodia Chamber of Commerce, CCC) គឺជាគ្រឹះស្ថានសាធារណៈនៅក្រោមអាណាព្យាបាលនៃក្រសួងពាណិជ្ជកម្ម ដែលដើរតួនាទីជាតំណាងឲ្យវិស័យឯកជននៅកម្ពុជា។ ក្រៅពីការងារជួយស្វែងរកដៃគូ ឬទាក់ទាញពាណិជ្ជកម្ម វិនិយោគពីក្រៅប្រទេស សភាពាណិជ្ជកម្មមានភារកិច្ចសំខាន់ជួយដោះស្រាយបញ្ហារបស់របស់វិស័យឯកជន តាមរយៈក្រុមការងារទាំង១៣។ការងាររបស់សភាពាណិជ្ជកម្មគ្របដណ្ដប់ស្ទើរគ្រប់វិស័យ ដែលបង្រួមមកមានវិស័យធំៗ ដូចជា កសិកម្ម ពាណិជ្ជកម្ម ឧស្សាហកម្ម សិប្បកម្ម និងសេវាកម្ម។
សូមស្ដាប់កិច្ចសម្ភាសរវាងលោក ញ៉ុង ហេង នៃសារព័ត៌មានថ្មីៗ និងលោក លឹម ហេង អនុប្រធានសភាពាណិជ្ជកម្មកម្ពុជា៖
ក្រុមការងារដោះស្រាយបញ្ហារបស់វិស័យឯកជន ត្រូវបានបង្កើតឡើងក្រោមយន្តការរបស់ប្រមុខរដ្ឋាភិបាល ដែលមកទល់សព្វថ្ងៃមាន ១៣ក្រុមការងារ។ ក្រុមការងារនីមួយៗ ដឹកនាំដោយសហប្រធាន២រូប ដែលសមាសភាពម្ខាងមកពីសភាពាណិជ្ជកម្ម និងម្ខាងទៀតជារដ្ឋមន្ត្រីរបស់រដ្ឋាភិបាល។ លោក លឹម ហេង មានប្រសាសន៍ដូច្នេះថា៖«ដូច្នេះមានបញ្ហានាំចេញ ឬស្នើសុំក្រដាសស្នាមវិនិយោគ ឬពាក់ព័ន្ធនឹងពន្ធជាដើមដែលបង្កការលំបាកដោយស្ថាប័នមួយចំនួន គឺសភាពាណិជ្ជកម្មអាចជួបជាមួយពួកគាត់ ដើម្បីឲ្យពួកគាត់ធ្វើយ៉ាងម៉េចសម្រួលផ្នែកពាណិជ្ជកម្ម ក្រដាសស្នាមណាមួយឲ្យទាន់ចិត្ត ទាំងការសុំវិនិយោគ និងនាំចេញនាំចូល»។
សភាពាណិជ្ជកម្ម ដើរតាមគោលនយោបាយអភិវឌ្ឍន៍សេដ្ឋកិច្ចរបស់រដ្ឋាភិបាល ជាពិសេសថ្មីៗនេះគឺយុទ្ធសាស្ត្រពង្រឹងខាងក្នុង និងពង្រីកខាងក្រៅ តាមរយៈកំណែទម្រង់សេដ្ឋកិច្ចផ្ទៃក្នុង ពោលគឺធ្វើយ៉ាងណាពង្រឹងភាពប្រកួតប្រជែងរបស់កម្ពុជា និងពង្រីកទីផ្សារនាំចេញ។ បើតាមលោក លឹម ហេង សភាពាណិជ្ជកម្មកំពុងចូលរួមយ៉ាងសកម្មក្នុងការពិភាក្សាលើបង្កើតច្បាប់វិនិយោគថ្មី ដែលបង្កភាពងាយស្រួល និងទាក់ទាញ់វិនិយោគិន៕
Tag:
លឹម ហេង
សភាពាណិជ្ជកម្ម
វិស័យឯកជន
© រក្សាសិទ្ធិដោយ thmeythmey.com