វិទ្យាស្ថានអន្តរជាតិកម្ពុជា-អាស៊ាន ប្រគល់វិញ្ញាបនបត្របញ្ចប់ការសិក្សាដល់សិស្សជំនាន់ទី២

អត្ថបទពាណិជ្ជកម្ម

វិទ្យាស្ថានអន្តរជាតិកម្ពុជា-អាស៊ាន ប្រគល់វិញ្ញាបនបត្របញ្ចប់ការសិក្សាដល់សិស្សជំនាន់ទី២

23, Dec 2019 , 4:32 pm

រូបភាព

ដោយ: ថ្មីៗ

កាលពីព្រឹកថ្ងៃទី ២២ ខែធ្នូ ឆ្នាំ២០១៩ វិទ្យាស្ថានអន្ថរជាតិ កម្ពុជា-អាស៊ាន (CAM-ASEAN) បានរៀបចំកម្មវិធី «ប្រគល់វិញ្ញាបនបត្រជូនដល់សិស្សបញ្ចប់ការសិក្សាជំនាន់ទី២»។ កម្មវិធីត្រូវបានរៀបចំឡើង នៅសាលពហុបំណងនៃមជ្ឈមណ្ឌលសហប្រតិបត្តិកាកម្ពុជា-កូរ៉េ។

កម្មវិធីនេះ មានការប្រគល់វិញ្ញាបនបត្រជូនសិស្សនិស្សិតជ័យលាភីបញ្ចប់ កម្មវិធីសិក្សាភាសាអង់គ្លេសបែបពាណិជ្ជកម្ម ភាសាអង់គ្លេសទូទៅ និងភាសាចិនជំនាន់ទី២ ក៏ដូចជា

អបអរសាទរ ដល់បេក្ខជនជ័យលាភីនៃកម្មវិធី (កុមារឆ្លាតសតវត្សទី ២១, ការប្រកួតប្រជែងតាមប្រពន្ធប្រព័ន្ធអេឡិចត្រូនិក, និងការប្រកួតនិយាយភាសាចិន)។ ក្រៅពីនេះ ក៏មានការ

ប្រគល់រង្វាន់លើកទឹកចិត្តដល់សិស្សានុសិស្សដែលបានពិន្ទុខ្ពស់បំផុតនៃការប្រឡងចេញ និង សិស្សានុសិស្សដែលបានប្រលងជាប់កម្មវិធី Cambridgeផងដែរ។

កម្មវិធីដ៏មហោឡារិក ប្រកបដោយមោទកភាព និងសេចក្តីសោមន្សរីករាយនេះ មានការអញ្ជើញចូលរួមជាអធិបតីភាព ឯកឧត្តមបណ្ឌិត សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា និងតំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា, គណៈគ្រប់គ្រង អាណាព្យាបាល សាស្ត្រាចារ្យជាតិ-អន្តរជាតិ សិស្ស-និស្សិតសរុបប្រមាណ ៥០០រូប។

ក្នុងឱកាសនោះដែរ លោក ហេង វណ្ណពុធបណ្ឌិត នាយកប្រតិបត្តិវិទ្យាស្ថានអន្តរជាតិកម្ពុជា-អាស៊ាន បានលើកឡើងថា វិទ្យាស្ថានអន្តរជាតិកម្ពុជា-អាស៊ាន បាន និងកំពុងផ្តល់ជូន នូវកម្មវិធីសិក្សាភាសាបរទេស និងវគ្គបណ្តុះបណ្តាលបំណិនការងារប្រកបដោយគុណភាពខ្ពស់ ជូនដល់សិស្ស និស្សិតកម្ពុជារាប់ពាន់នាក់មកហើយ។ មិនត្រឹមតែប៉ុណ្ណោះ វិទ្យាស្ថានអន្តរជាតិកម្ពុជា-អាស៊ាន បានកសាងនូវធនធានមនុស្សដែលមានសមត្ថភាព ប្រកបដោយក្រមសីលធម៌វិជ្ជាជីវៈ ដើម្បីបំពេញតម្រូវការទីផ្សារ ព្រមទាំងបានបំពាក់បំប៉នចំណេះដឹង និងបំណិន ឲ្យសិស្ស-និស្សិត មានសមត្ថភាពប្រកួតប្រជែង ទាំងក្នុងស្រុក និងក្នុងតំបន់។

ទន្ទឹមនឹងនេះ លោកក៏បានលើកទឹកចិត្តឲ្យប្អូនៗទាំងអស់គ្នា បន្តរៀនសូត្រ ដើម្បីភាពរីកចម្រើន និងស្វែងរកភាពជោគជ័យថ្មីៗបន្ថែមទៀត ក្រោមពាក្យស្លោកជាភាសាអង់គ្លេសមួយថា(Success is a journey, not a destination)។ លោក ហេង វណ្ណពុធបណ្ឌិត បញ្ជាក់ដូច្នេះ៖«វិញ្ញាបនបត្រថ្ងៃនេះ មិនតំណាងការបញ្ចប់នោះទេ តែវាគឺជាការចាប់ផ្ដើម នូវដំណើរដ៏វែងឆ្ងាយមួយ ដែលប្អូនៗសិស្ស-និស្សិតទាំងអស់ គួរបន្តបំពាក់បំប៉ននូវចំណេះដឹង បំណិន និងឥរិយាបទ សម្រាប់ការជោគជ័យនាថ្ងៃមុខទៀត ជាពិសេសសម្រាប់អាជីពការងារ»។

ក្នុងបរិយាកាសប្រកបដោយភាពរីករាយនេះ លោក ស៊ាង សុបញ្ញា អគ្គនាយកវិទ្យាស្ថានអន្តរជាតិកម្ពុជា-អាស៊ាន បានថ្លែងអំណរគុណដល់គណៈគ្រប់គ្រង សាស្ត្រាចារ្យ ជាតិ-អន្តរជាតិ បុគ្គលិក ដែលមានឆន្ទៈមោះមុត គោលដៅច្បាស់លាស់ បំពេញការងារតាមវិជ្ជាជីវៈ ប្រកបដោយព្រហ្មវិហារធម៌ ព្រមទាំងទទួលបាននូវការទទួលស្គាល់ និងការគាំទ្រពីសិស្សនិស្សិត និងជាពិសេសដៃគូរសហការជាតិ និងអន្តរជាតិ។

ឯកឧត្តមបណ្ឌិត សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា និងជាតំណាងខ្ពង់ខ្ពស់ ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងការកោតសរសើរចំពោះការខិតខំប្រឹងប្រែង របស់វិទ្យាស្ថានអន្តរជាតិកម្ពុជា-អាស៊ាន ដែលបានបណ្តុះបណ្តាលនិស្សិតកម្ពុជារាប់ពាន់នាក់កន្លងមក។ ក្នុងនោះដែរ ឯកឧត្តមបណ្ឌិត សាន វឌ្ឍនា ក៏បានសំណូមពរ ឱ្យវិទ្យាស្ថានអន្តរជាតិកម្ពុជា-អាស៊ាន បន្តចូលរួមពង្រឹងគុណភាពសិក្សាជាបន្តទៀត ដើម្បីឲ្យធនធានមនុស្សរបស់កម្ពុជា កាន់តែមានសមត្ថភាព និងរឹងមាំថែមទៀតនាពេលខាងមុខ។

ក្រោយពីបានបញ្ចប់ការថ្លែងសន្ទរកថា និងផ្តល់នូវអនុសាសន៍សំខាន់ៗរួចហើយ ឯកឧត្តមបណ្ឌិត សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា បានអញ្ជើញប្រគល់សញ្ញាបត្រដល់និស្សិតជ័យលាភី និងបានថតរូបអនុស្សាវរីយ៍ ជាមួយប្អូនៗសិស្ស-និស្សិត ក្នុងបរិយាកាសរីករាយក្រៃលែង៕