កាលពីថ្ងៃទី២៤ ខែធ្នូ ឆ្នាំ២០១៩ កន្លងទៅនេះ ក្រុមហ៊ុនទូរសព្ទដៃ realme ដែលជាក្រុមហ៊ុនទើមមានវត្តមានលើទីផ្សារកម្ពុជា ប៉ុន្តែកំពុងទទួលបានការគាំទ្រយ៉ាងខ្លាំងពីសំណាក់ប្រជាជនកម្ពុជា បានប្រកាសដាក់លក់ជាផ្លូវការ នូវទូរសព្ទដៃកំពូល realme X2 Pro។ ការដាក់បង្ហាញ និងប្រកាសលក់ជាផ្លូវការនេះ មានការចូលរួមពីសំណាក់ថ្នាក់ដឹកនាំ, បុគ្គលិក និងអ្នកសារព័ត៌មានជាច្រើន នារោងកុន Major Cineplex VIP Hall អ៊ីអនម៉ល១។ លោកអ្នករកជាវបាន តាមបណ្ដា Smart Shop ក្នុងប្រទេសកម្ពុជា ក្នុងតម្លៃត្រឹមតែ 659 ដុល្លារប៉ុណ្ណោះ។
realme X2 Pro ត្រូវបានរចនាឡើងដោយយកចិត្តទុកដាក់យ៉ាងខ្លាំង ដោយផ្នែកខាងមុខរបស់ទូរសព្ទនេះ រចនាឡើងជាមួយអេក្រង់បែបដំណក់ទឹក និងផ្នែកខាងក្រោយ បំពាក់មកជាមួយ កាមេរ៉ារហូតដល់ទៅ ៤ គ្រាប់ឯណោះ។ realme X2 Pro ត្រូវបានគេយកទៅប្រៀបធៀបជាមួយទូរសព្ទដៃកំពូលជាច្រើនដូចជា Oneplus 3T ជាដើម។ realme X2 Pro បានបំពាក់មកជាមួយកម្លាំងម៉ាស៊ីនដ៏អស្ចារ្យ និងការសាកថ្មពី ០%-១០០% ចំណាយពេលត្រឹមតែ ៣៥ នាទីប៉ុណ្ណោះ។ លើសពីនេះ វាត្រូវការកម្លាំងអគ្គិសនីទាបបំផុត។
លោក Lao Kheng Bung នាយកផ្នែកទីផ្សារទូរសព្ទដៃ realme ប្រចាំប្រទេសកម្ពុជាបានមានប្រសាសន៍ថា កំពូលស្មាតហ្វូន realme X2 Pro នេះត្រូវបានបំពាក់មកជាមួយកម្លាំងម៉ាស៊ីនដ៏អស្ចារ្យ ដោយទូរសព្ទជើងខ្លាំងមួយនេះ បានបំពាក់មកជាមួយបន្ទះឈីប Snapdragon 855 Plus, Ram 12GB អង់ផ្ទុកទិន្ន័យជំនាន់ថ្មី UFS 3.0 ទំហំ 256GB និងប្រតិបត្តិការដោយប្រព័ន្ធ Android 9 Pie OS និង ColorOS 6។
លោក Lao Kheng Bung បន្តឲ្យដឹងទៀតថា realme X2 Pro មានអេក្រង់ទំហំ 6.5-inch AMOLED កម្រិតបង្ហាញរូបភាព Full HD+ និងកម្រិត aspect ratio19.5:9 និងកម្រិត Refresh rate 90Hz។ ទូរសព្ទដែលតម្លៃក្រោមពី ៧០០ ដុល្លារមួយនេះ ក៏បានបំពាក់មកជាមួយ Speaker Dolby Atmos ដែលផ្ដល់នូវបទពិសោធន៍ថ្មីសម្រាប់អ្នកប្រើប្រាស់ ដែលវាបញ្ជេញសំឡេងចេញហាក់ដូចចេញពីអេក្រង់តែម្ដង។ ការបំពាក់នេះ ក៏ជាផ្នែកពិសេស សម្រាប់អ្នកចូលចិត្តលេងហ្គេមផងដែរ និងផ្តល់ភាពងាយស្រួល ក្នុងការស្ដាប់សំរិបជើងចេញមកពីជ្រុងណា។
កាន់តែពិសេសទៀតនោះ realme X2 Pro បានបំពាក់នូវមុខងារ 50W SuperVOOC Flash Charge ដែលអាចបញ្ចូលថ្មកម្លាំង 4,000mAh ពី ០%-១០០% ចំណាយពេលត្រឹមតែ ៣៥ នាទីប៉ុណ្ណោះ។ ចំពោះកាមេរ៉ា ក្រុមហ៊ុនទូរសព្ទដៃ បានបំពាក់ការមេរ៉ារហូតដល់ទៅ ៤ គ្រាប់ នៅផ្នែកខាងក្រោយលើ ទូរសព្ទដៃ realme X2 Pro នេះ។ លេនមេរបស់វា មានទំហំ 64MP f/1.8 aperture, 13 MP, f/2.5, 52mm សម្រាប់ (telephoto) ដែលអាច Zoom បាន រហូតដល់ ២០ ដង, លេនគ្រាប់ទី 3 ទំហំ 8MP សម្រាប់ Ultra-wide, និងមួយគ្រាប់ចុងក្រោយ ទំហំ 2MP ជាប្រភេទ Depth assist sensor។ ចំពោះការមេរ៉ាមុខវិញ មានទំហំរហូតដល់ទៅ 32MP»។
គួររំលឹកថា ទូរសព្ទលំដាប់កំពូល ដែលមានតម្លៃសមរម្យនេះ មាន ២ ពណ៌ Nepture Blue ដែលរចនាឡើងពីពណ៌ទឹកសមុទ្រ និងពណ៌ Lunar White រចនាឡើងពីពណ៌របស់ព្រះចន្ទ៕
(អត្ថបទពាណិជ្ជកម្ម)