កាំកុងត្រូលពិនិត្យ៥ស្ថានីយ រកឃើញ៤ស្ថានីយលក់ប្រេងមិនត្រឹមត្រូវនៅកៀនស្វាយ

ជាតិ

កាំកុងត្រូលពិនិត្យ៥ស្ថានីយ រកឃើញ៤ស្ថានីយលក់ប្រេងមិនត្រឹមត្រូវនៅកៀនស្វាយ

25, Dec 2019 , 10:19 pm

រូបភាព

រូបពីអគ្គនាយកដ្ឋានកាំកុងត្រូល

ដោយ:

ភ្នំពេញ៖ មន្ត្រីកាំកុងត្រូលបានរកឃើញស្ថានីយ/ដេប៉ូប្រេងឥន្ធនៈ ចំនួន ៤កន្លែង លក់ដូរមិនត្រឹមត្រូវនៅស្រុកកៀនស្វាយខេត្តកណ្ដាល។

នៅថ្ងៃទី២៤ខែធ្នូ មន្ត្រីអគ្គនាយកដ្ឋានកាំកុងត្រូល យករថយន្តពិសោធន៍ចល័ត ត្រួតពិនិត្យបណ្ដាស្ថានីយចំនួន៥កន្លែងក្នុងស្រុកកៀនស្វាយ ខេត្តកណ្ដាល។ ក្នុងការត្រួតពិនិត្យនេះ មន្ត្រីជំនាញបានធ្វើការវិភាគលើកម្រិតសន្ទស្សន៍អុកតានរបស់ប្រេងសាំង, សេតានរបស់ប្រេងម៉ាស៊ូត និងត្រួតពិនិត្យលើរង្វាស់រង្វាល់របស់ស្ថានីយទាំងនោះ។ ជាលទ្ធផល មន្ត្រីជំនាញបានរកឃើញស្ថានីយ/ដេប៉ូប្រេងឥន្ធនៈចំនួន ៣ទីតាំងមិនមានអនុលោមភាពបរិមាណ ខណៈ១ទីតាំងទៀតមិនអនុលោមទាំងបរិមាណ និងគុណភាព។

មន្ត្រីអះអាងថា នេះជាលើកទី១ ដូច្នេះបានឲ្យម្ចាស់ស្ថានីយទាំងនោះចុះកិច្ចសន្យាកែតម្រូវ និងព្រមានកសាងសំណុំរឿងទៅតុលាការបើរកឃើញកំហុសលើកទី២៕