រដ្ឋមន្ត្រីមុខងារសាធារណៈ ស្នើឲ្យផ្អាកផ្ទេរក្របខ័ណ្ឌ ឬផ្លាស់ប្ដូរមន្ត្រីថ្នាក់ក្រោមជាតិ

ជាតិ

រដ្ឋមន្ត្រីមុខងារសាធារណៈ ស្នើឲ្យផ្អាកផ្ទេរក្របខ័ណ្ឌ ឬផ្លាស់ប្ដូរមន្ត្រីថ្នាក់ក្រោមជាតិ

30, Dec 2019 , 10:59 pm

រូបភាព

លោក ពេជ្រ ប៊ុនធិន រដ្ឋមន្រ្តីក្រសួងមុខងារសាធារណៈ (ក្រសួងមុខងារសាធារណៈ)

ដោយ: ផាត ដាណេ

ភ្នំពេញ៖ លោក ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ ស្នើទៅរដ្ឋមន្ត្រីគ្រប់ក្រសួង និងស្ថាប័នពាក់ព័ន្ធ ព្រមទាំងគ្រប់អភិបាលរាជធានី-ខេត្ត ឲ្យផ្អាកផ្ទេរក្របខ័ណ្ឌ ឬផ្លាស់ប្ដូរមន្ត្រីថ្នាក់ក្រោមជាតិមួយរយៈសិន ដោយសារតែកំពុងមានដំណើរការរៀបចំផ្ទេររចនាសម្ព័ន្ធ និងបុគ្គលិក ឲ្យស្ថិតក្រោមការគ្រប់គ្រងរបស់រដ្ឋបាលថ្នាក់ក្រោមជាតិ។

តាមរយៈលិខិតជូនដំណឹង ចុះថ្ងៃទី២៧ ខែធ្នូ ឆ្នាំ២០១៩ លោក ពេជ្រ ប៊ុនធិន បញ្ជាក់ថា ការផ្អាកផ្ទេរក្របខ័ណ្ឌឬប្តូរមន្ត្រីថ្នាក់ក្រោមជាតិ គឺរហូតដល់ការរៀបចំផ្ទេររចនាសម្ព័ន្ធថ្មី ដំណើររួចរាល់។ ជាមួយគ្នានេះ រដ្ឋមន្ត្រីមុខងារសាធារណៈ ស្នើឲ្យផ្តល់ប្រាក់បៀវត្សសម្រាប់មន្ត្រីរាជការ ដែលកំពុងបម្រើការងារនៅរដ្ឋបាលថ្នាក់ក្រោមជាតិជាធម្មតាសិន រហូតដល់មានលិខិតបទដ្ឋានគតិយុត្តិថ្មីកំណត់ពីរចនាសម្ព័ន្ធមុខតំណែង និងបុគ្គលិកមកជំនួស៕