ជាតិ
សង្គមជាតិ
×![]()
ភ្នំពេញ៖ មានចម្ងាយផ្លូវប្រមាណ៦០គីឡូម៉ែត្រពីរាជធានីភ្នំពេញ ប្រាសាទភ្នំជីសូរបានបង្អូតសម្រស់នៅភ្នំធម្មជាតិ ដែលមានទីតាំងស្ថិតនៅឃុំរវាង ស្រុកសំរោង ខេត្តតាកែវ។
ចំងាយមិនឆ្ងាយប៉ុន្មានពីរាជធានីភ្នំពេញប៉ុន្តែប្រាសាទភ្នំជីសូរហាក់មានសភាពស្ងប់ស្ងាត់ពុំសូវមានភ្ញៀវទេសចរមកទស្សនានោះឡើយ។
ក្រៅពីទស្សនាសម្រស់ប្រាសាទចំណាស់នេះលោកអ្នកក៏អាចទស្សនានូវទិដ្ឋភាពពណ៌ខៀវបៃតងពីលើភ្នំដ៏ស្រស់ស្អាតផងដែរ។ ប្រាសាទភ្នំជីសូរស្ថិតនៅក្នុងរចនាបថឃ្លាំងនិងបាពួន បើតាមសិលាចារឹកយើងអាចដឹងថា ប្រាសាទនេះត្រូវបានកសាងឡើងក្នុងអំឡុងរជ្ជកាលរបស់ព្រះបាទសូរ្យវរ្ម័នទី១ នៅដើមសតវត្សរ៍ទី១១ នៅក្នុងរវាងឆ្នាំ១០១០ ដល់ឆ្នាំ១០១២ នៃគ.ស។ បើគិតពីរាជព្រះអង្គ រវាងឆ្នាំ១០០២ ដល់ ឆ្នាំ១០៥០នៃគ.ស។ ប្រាសាទនេះកសាងឡើងដើម្បីឧទ្ទិសចំពោះព្រហ្មញ្ញសាសនាគឺព្រះឥសូរ បានជាគេថាឧទ្ទិសចំពោះព្រះឥសូរ ពីព្រោះគេសំអាងលើចម្លាក់នៅលើហោជាងនិងផ្ដែរ ដែលមានឆ្លាក់ទាក់ទងនិងព្រះឥសូរអង្គុយជាមួយមហេសីនាងឧមារ នៅលើគោននិ្ទន និងព្រះឥសូររាំរបាំ ជាដើម។
សូមអញ្ជើញទស្សនារូបភាពដែលថតដោយលោក ប៉ាន់ បូនីដូចតទៅ៖
Tag:
ភ្នំជីសូរ
តាកែវ
រម្យណីយដ្ឋាន
© រក្សាសិទ្ធិដោយ thmeythmey.com
