យ៉ាងហោចណាស់ ៨នាក់រងរបួស ក្នុងករណីបាក់អគារកម្ពស់៥ជាន់នៅឥណ្ឌូណេស៊ី

អន្តរជាតិ

យ៉ាងហោចណាស់ ៨នាក់រងរបួស ក្នុងករណីបាក់អគារកម្ពស់៥ជាន់នៅឥណ្ឌូណេស៊ី

06, Jan 2020 , 12:03 pm

រូបភាព

រូបភាព៖ Instagram humasjakfire

ដោយ: ធៀន ភារិន្ទ

មនុស្សយ៉ាងហោចណាស់៨នាក់ បានរងរបួសក្នុងហេតុការណ៍បាក់អគារកម្ពស់៥ជាន់នាទីក្រុងហ្សាការតា នៅថ្ងៃទី៦ ខែមករា។ នេះបើតាមការផ្សព្វផ្សាយរបស់ស្ថានីយទូរទស្សន៍ក្នុងស្រុករបស់ឥណ្ឌូណេស៊ី។

យ៉ាងហោចណាស់មនុស្សចំនួន ៨នាក់បានរងរបួស ដោយសារករណីបាក់អគារនាទីក្រុងហ្សាការតា ខណៈពេលមនុស្សជាច្រើននាក់ទៀត កំពុងជាប់នៅក្នុងអាគារនៅឡើយ។ ចំណែកក្រុមជួយសង្គ្រោះ កំពុងស្វះស្វែងជួយជនរងគ្រោះ។

មកទល់ពេលនេះ គេមិនទាន់ដឹងថាតើមានអ្នកបាត់បង់ជីវិតឬក៏អត់ទេ។ ឯមូលហេតុនៃការបាក់អគារ ក៏មិនទាន់ដឹង ខណៈរដ្ឋធានីឥណ្ឌូណេស៊ីទើបរងគ្រោះដោយសារករណីទឹកជំនន់។

សូមបញ្ជាក់ថា នៅក្នុងឆ្នាំ ២០១៨ ក្រុមរាំមួយក្រុម ចំនួន ៧នាក់បានបាត់បង់ជីវិតនៅក្នុងករណីបាក់អាគារនាភាគខាងកើតទីក្រុងហ្សាការតា។ នៅក្នុងឆ្នាំ ២០១៨ដដែលនេះ គ្រោះទឹកជំនន់ បានបង្កឲ្យអាគារផ្សារភាគហ៊ុន បានបាក់ និងបានបង្កឲ្យមនុស្សយ៉ាងហោចណាស់ ៧៥នាក់ បានរងរបួស៕

Tag:

ឥណ្ឌូណេស៊ី

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

2 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម