អ្នកដំណើរ១៧៦នាក់ បានបាត់បង់ជីវិត ដោយសារការធ្លាក់យន្តហោះនៅអ៊ីរ៉ង់

សង្គមអន្តរជាតិ

អន្តរជាតិ

អ្នកដំណើរ១៧៦នាក់ បានបាត់បង់ជីវិត ដោយសារការធ្លាក់យន្តហោះនៅអ៊ីរ៉ង់

08, Jan 2020 , 1:14 pm

រូបភាព

រូបភាព៖ AFP

ដោយ: ធៀន ភារិន្ទ

អ្នកដំណើរ១៧៦នាក់ បានបាត់បង់ជីវិត ដោយសារឧបទ្ទវហេតុធ្លាក់យន្តហោះ នាថ្ងៃទី៨ ខែមករា បន្ទាប់ពីហោះចេញពីអាកាសយានដ្ឋាន Imam Khomeini នាទីក្រុងតេហេរ៉ង់ ។ នេះបើតាមការចុះផ្សាយរបស់ទីភ្នាក់ងារព័ត៌មាន។

យន្តហោះដឹកអ្នកដំណើរប្រភេទ Boeing 737-800 ដែលផ្ទុកអ្នកដំណើរ ១៧០នាក់ បានហោះចេញពីទីក្រុងតេហេរ៉ង់ឆ្ពោះអាកាសយានដ្ឋានBoryspil នាទីក្រុងកៀវ អ៊ុយក្រែន។ តាមរយៈឧបទ្ទវហេតុមួយនេះ គឺមិនទាន់ដឹងពីមូលហេតុច្បាស់លាស់នៅឡើយទេ ប៉ុន្តែទីភ្នាក់ងារព័ត៌មានអ៊ីរ៉ង់ IRNA អះអាងថាបណ្តាលមកពីបញ្ហាបច្ចេកទេស។

អត្ថបទទាក់ទង

យន្តហោះអ៊ុយក្រែនដឹកអ្នកដំណើរ១៨០នាក់ ធ្លាក់នៅអ៊ីរ៉ង់

បើតាមការចុះផ្សាយរបស់សារព័ត៌មាន Al Jazeera អ្នកដំណើរ អ្នកបម្រើការ និងអ្នកបើកយន្តហោះទាំងអស់ ចំនួន១៧៦រូប បានបាត់បង់ជីវិតទាំងអស់។

ពិតណាស់យន្តហោះអ៊ុយក្រែនមួយនេះ ត្រូវត្រូវដំណើរនៅម៉ោង ៥ និង១៥នាទីព្រឹក (ម៉ោងក្នុងស្រុក) ប៉ុន្តែបែរជាត្រូវពន្យាររហូតដល់ម៉ោង ៦ និង១២នាទីព្រឹកឯណោះ ៕