ជាតិ
«ម៉ត់ ឬហ្មត់»,«ម៉ដ្ត»ឬ«ម៉ដ្ឋ»,«មត់» និង«មុត»ប្រើខុសគ្នាបែបណា?
×![]()
ដោយ: ថ្មីៗ
វចនានុក្រមខ្មែរ បានពន្យល់ពាក្យ«ម៉ត់ ឬហ្មត់»,«ម៉ដ្ត»ឬ«ម៉ដ្ឋ»,«មត់» និង«មុត»ដូចខាងក្រោមថា៖
ពាក្យ«ម៉ត់ ឬហ្មត់» មានន័យថា អស់ អស់រលីង មិនមាន មិនសល់។ គេប្រើក្នុងន័យថា ហ្មត់តែម្តង,ស៊ីហ្មត់,ចោរលួចហ្មត់។ កាលណាគេប្រើក្នុងន័យថា សាច់រលីង,ល្អិតខៃ,សិ្នទ្ធជិត គឺត្រូវនឹងពាក្យ«ម៉ដ្ត»ឬ«ម៉ដ្ឋ»វិញ។ គេប្រើពាក្យនេះនៅក្នុងន័យថា កិនម្សៅឲ្យម៉ដ្ត, កិនថ្នាំឲ្យម៉ដ្ត, សំពត់សាច់ម៉ដ្ត ជាដើម។ ចំពោះពាក្យ«មត់»មានន័យថា បញ្ចេះឲ្យដឹងជាមុនដោយត្រូវគំនិតគ្នា,សន្មតគ្នាដោយប្តេជ្ញាយ៉ាងស្ងាត់។ ឧទាហរណ៍៖ និយាយមត់គ្នា។
ចំណែកពាក្យ«មុត»ជាកិរិយាសព្ទ មានន័យថា បង្កើតជារបួសដោយសស្ត្រា ឬរបស់ដែលមានមុខស្រួច។ ឧទាហរណ៍៖ មុតកាំបិត។ គេអាចប្រើពាក្យ«មុត»ក្នុងន័យម្យ៉ាងទៀតថា ចិត្តមុត គឺចិត្តក្លាហាន, ប្រាជ្ញាមុត គឺប្រាជ្ញារហ័សវាងវៃ,ភ្នែកមុត គឺភ្នែកដែលប៉ិនមើលសង្កេតស្គាល់់ការណ៍ពិតបានភ្លាមៗ, សម្តីមុត គឺសម្តីក្លៀវក្លា ហានស្តីថាឲ្យគេម៉ាំងៗជ្រៅៗ មិនញញើតមាត់, មោះមុត ដែលក្លាហាន អង់អាច,មុតមាំ ដែលរឹងប៉ឹង៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
