ជាតិ
នយោបាយជាតិ
×![]()
ដោយ: ថ្មីៗ
លោក កឹម សុខា ខណៈដែលរូបលោកកំពុងស្ថិតក្នុងសវនាការសាលាដំបូងរាជធានីភ្នំពេញ នៅឡើយនោះ បានឆ្លៀតឲ្យសហការីបង្ហោះសារក្នុងបណ្តាញសង្គមហ្វេសប៊ុក នូវសាររបស់លោក ដែលច្រានចោលនូវរាល់ការចោទប្រកាន់លើរូបលោកពីបទសន្ទិដ្ឋិភាពជាមួយបរទេស។
សាលាដំបូងរាជធានីភ្នំពេញ នាព្រឹកថ្ងៃពុធ ទី១៥ ខែមករា នេះ បានបើកសវនាការជុំនំជម្រះថ្ងៃដំបូងលើករណីលោក កឹម សុខា ហើយប៉ាន់ប្រមាណថា ដំណើរការអាចឈានដល់៣ខែឯណោះ។ តាមរយៈសារនៅលើហ្វេសប៊ុកនា ក្រៅពីបដិសេធទាំងស្រុងនូវរាល់ការចោទប្រកាន់ អតីតមេបក្សប្រឆាំងរូបនេះ ក៏ព្យាយាមបង្ហាញជំហរជាច្រើនទៀតផងដែរ។
លោកបានអះអាងថា៖ «ខ្ញុំមិនបាននាំរដ្ឋបរទេស ឬភ្នាក់ងារបរទេសណាមកប្រទូសរ៉ាយ ឬឈ្លានពាន ព្រះរាជាណាចក្រកម្ពុជាឡើយ។ ខ្ញុំមិនបានប្រព្រឹត្តដូចការចោទនេះទេ ជាពិសេសខ្ញុំមិនបានប្រព្រឹត្តនូវអំពើទាំង ឡាយណាដែលនាំឲ្យប៉ះពាល់ដល់ផលប្រយោជន៍ប្រទេសជាតិឡើយ»។
អតីតមេបក្សប្រឆាំងរូបនេះ បានបញ្ជាក់ថា សកម្មភាពទាំងអស់របស់លោក គឺផ្តោតលើសិទ្ធិមនុស្ស និងលទ្ធិប្រជាធិបតេយ្យ ដោយអហិង្សា និងសន្តិវិធី ស្របតាមរដ្ឋធម្មនុញ្ញ នៃព្រះរាជាណាចក្រកម្ពុជា ហើយគ្រប់សកម្មភាពនយោបាយរបស់លោក គឺផ្តោតលើការបោះឆ្នោតដោយសេរី ត្រឹមត្រូវ យុត្តិធម៌ ដែលឆ្លុះបញ្ចាំងពីឆន្ទៈរបស់ប្រជាពលរដ្ឋខ្មែរ។
«ខ្ញុំនៅតែទាមទារឲ្យតុលាការទម្លាក់ចោលជាស្ថាពរចំពោះបទចោទមកលើរូបខ្ញុំ ដើម្បីខ្ញុំអាចអនុវត្តបាននូវសិទ្ធិ សេរីភាពនយោបាយពេញលេញ ក្នុងការចូល រួមបម្រើជាតិមាតុភូមិ និងការពារផលប្រយោជន៍របស់ប្រជាពលរដ្ឋខ្មែរ»។ នេះជាការបញ្ជាក់ចុងក្រោយរបស់លោក កឹម សុខា ជាមួយនឹងសារអរគុណពលរដ្ឋខ្មែរ អ្នកការទូត អង្គការសង្គម ស៊ីវិល អ្នកសារព័ត៌មានជាតិ-ជាតិ ដែលបានយកចិត្តទុកដាក់ចូលរួមឃ្លាំមើល និងសង្កេតការណ៍សវនាការរបស់ខ្លួន៕
Tag:
កឹម សុខា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
