លោក ប្រាក់ សុខុន ទៅប្រជុំជាមួយរដ្ឋមន្រី្តការបរទេសអាស៊ាន នៅវៀតណាម

ជាតិ

លោក ប្រាក់ សុខុន ទៅប្រជុំជាមួយរដ្ឋមន្រី្តការបរទេសអាស៊ាន នៅវៀតណាម

15, Jan 2020 , 9:19 pm

រូបភាព

លោក ប្រាក់ សុខុន (រូបភាពពីទំព័រហ្វេសប៊ុករបស់ក្រសួងការបរទេស និងសហប្រតិបត្តិការអន្តរជាតិ)

ដោយ: ឡាយ សុភាវតី

ភ្នំពេញ៖ លោក ប្រាក់ សុខុន រដ្ឋមន្រី្តការបរទេស និងសហប្រតិបត្តិការអន្តរជាតិ នឹងចូលរួមកិច្ចប្រជុំចង្អៀតថ្នាក់រដ្ឋមន្រី្តការបរទេសអាស៊ាន នៅខេត្តញ៉ាចាង ប្រទេសវៀតណាម ចាប់ពីថ្ងៃទី១៦ដល់ថ្ងៃ១៧ ខែមករា ឆ្នាំ២០២០។

សេចក្ដីជូនព័ត៌មានរបស់ក្រសួងការបរទេស ដែលចេញនៅថ្ងៃទី១៤ ខែមករា បានបញ្ជាក់ថា កិច្ចប្រជុំចង្អៀតរដ្ឋមន្រី្តការបរទេសអាស៊ាននេះ វៀបចំឡើងក្រោមប្រធានបទ «ភាពស្អិតរមួត និងការឆ្លើយតប»។ វា ជាវេទិកាមួយសម្រាប់រដ្ឋមន្រី្តការបរទេសអាស៊ាន ផ្លាស់ប្ដូរការយល់ឃើញ និងមធ្យាបាយនានា គឺដើម្បីសម្រេចនូវចក្ខុវិស័យសហគមន៍អាស៊ានឆ្នាំ២០២៥ និងលើកកម្ពស់បន្ថែមក្នុងការឯភាព សមាហរណកម្ម និងការតភ្ជាប់អត្តសញ្ញាណរួមរបស់អាស៊ាន រួមទាំងការចូលរួមជាមួយនឹងសហគមន៍ពិភពលោក និងសមត្ថភាពស្ថាប័ន។

ទនឹ្ទមនឹងនេះ ឆ្នាំ២០២០ ប្រទេសទេសវៀតណាមជាប្រធានអាស៊ាន បានលើកឡើងចំណុចអាទិភាពចំនួន៥ ផ្ដោតសំខាន់ទៅលើការចូលរួមរបស់អាស៊ាន ក្នុងការរក្សាសន្តិភាព សន្តិសុខ និង ស្ថិរភាពតំបន់។ ក្រៅពីនេះ គឺជំរុញឲ្យកាន់ខ្លាំងនូវសមាហរណកម្មសេដ្ឋកិច្ច ការតភ្ជាប់អាស៊ាន ការលើកកម្ពស់អត្តសញ្ញាណអាស៊ាន និង ការយល់ដឹងអំពីសហគមន៍អាស៊ាន ដើម្បីការអភិវឌ្ឍប្រកបដោយចីរភាព និងការបង្កើនប្រសិទ្ធភាព សមត្ថភាពស្ថាប័នរបស់អាស៊ាន៕