តើធ្វើដូចម្ដេចទើបអាចបង្កើតទម្លាប់ល្អសម្រាប់កុមារតាំងពីវ័យក្មេង? តើមាតាបិតាគួរយល់ដឹងអ្វីខ្លះពីការលូតលាស់របស់កុមារ និងការចិញ្ចឹមបីបាច់ដើម្បីបង្កើតអត្ដចរិកល្អដល់ពួកគេ?
វាគ្មិនកិត្ដិយស៣រូបដែលជាសាស្ដ្រចារ្យ នាយកសាលា និងអ្នកចិត្ដសាស្ដ្រជំនាញបានចែករំលែកនូវវិធីសាស្ដ្រសំខាន់ៗនៅក្នុងសិក្ខាសាលាស្ដីពី “វិធីសាស្ត្រក្នុងការចិញ្ចឹមកូន” ដែលជាសិក្ខាសាលាមួយរៀបចំឡើងដើម្បីជំរុញអោយមាតាបិតាមានការរៀបចំផែនការល្អក្នុងចិញ្ចឹមនិងអប់រំកូនប្រកបដោយប្រសិទ្ធិភាព រួមជាមួយនឹងការចែករំលែកពីព័ត៌មានសំខាន់ៗពីអាហារូបត្ថម្ភសម្រាប់ការអភិវឌ្ឍន៍និងការយល់ដឹងរបស់កុមារ។
ក្នុងនោះ លោកហឿ សេធុល ដែលជាអ្នកចិត្តសាស្ដ្រ ឯកទេសប្រឹក្សាបញ្ហាគ្រួសារ និងស្ថាបនិកនៃក្រុមហ៊ុនសេវាប្រឹក្សាយោបល់ និង អប់រំផ្លូវចិត្តតាម បែបចិត្តសាស្ត្រ (KCPS) បានលើកឡើងថា វិធីសាស្ដ្រដែលឪពុកម្ដាយចិញ្ចឹមបីបាច់កូនមានច្រើនប្រភេទដែលវិធីសាស្ដ្រទាំងនោះបានផ្ដល់ផលប៉ះពាល់ល្អនិងមិនល្អសម្រាប់កុមារដូចជា ទី១៖ការចិញ្ចឹមកូនបែបផ្ដាច់ការ ដែលឪពុកម្ដាយតែងតែតឹងរឹងជាមួយនឹងវិន័យក្នុងគ្រួសារធ្វើអោយកូនៗមានវិន័យប៉ុន្ដែអាចនឹងខ្វះការច្នៃប្រឌិត ទី២៖ការចិញ្ចឹមកូនបែបប្រើសិទ្ធិអំណាចដែលធ្វើឲ្យកុមារមានការគោរពតាមច្បាប់ទម្លាប់ល្អប៉ុន្ដែពុំមានភាពឯករាជ្យគ្រប់គ្រាន់ ទី៣៖ការចិញ្ចឹមកូនបែបការផ្ដល់ការអនុញ្ញាតដែលឪពុកម្ដាយមិនសូវផ្ដល់សំពាធនិងមានការទាមទារតិចតួចពីកូនប៉ុន្ដែវាអាចធ្វើមាតាបិតាមិនមានអំណាចគ្រប់គ្រាន់ក្នុងការអប់រំកូននិងធ្វើឲ្យគុណតម្លៃជាមាតាបិតាធ្លាក់ចុះ និងប្រភេទចុងក្រោយទី៤គឺ៖ការចិញ្ចឹមកូនបែបព្រងើយកន្ដើយ ដែលជាលទ្ធផលកូនអាចមានការច្នៃប្រឌិតនិងឯករាជ្យ ប៉ុន្ដែបែរជាមិនមានវិន័យគ្រប់គ្រាន់ក្នុងការនិយាយស្ដី និងគោរពឪពុកម្ដាយនោះទេ។
ក្រៅពីការយល់ដឹងពីការចិញ្ចឹមកូនឲ្យបានល្អហើយ លោក LIM Daw Shyan នាយកវិទ្យាល័យនៅសាលាអន្ដរជាតិ SCIA ក៏បានលើកឡើងពីការបង្កើតទម្លាប់និងឥរិយាបថល្អរបស់កុមារថែមទៀតផង ដែលក្នុងនោះលោកបានបញ្ជាក់ថា ដើម្បីបង្កើតឥរិយាបថល្អតាំងពីកុមារភាព មាតាបិតាគួរតែបង្រៀនកូនៗពីទម្លាប់មួយក្នុងការចេះអោនលំទោននិងគោរពអ្នកដទៃ ដូចជាការចេះនិយាយពាក្យអរគុណពេលទទួលបានអ្វីមួយ ការចេះទទួលកំហុសនិងនិយាយពាក្យសុំទោសពេលធ្វើខុស ចេះជំរាបសួរពេលជួបអ្នកដទៃដែលមានអាយុច្រើនជាងជាដើម។ ការធ្វើបែបនេះ កុមារនឹងទទួលបានទម្លាប់ល្អមួយក្នុងការចេះគោរពចាស់ទុំក្នុងផ្ទះនិងអ្នកដទៃទាំងក្នុងនិងក្រៅសាលារៀន ដែលធ្វើឲ្យពួកគេអាចមានទំនាក់ទំនងល្អក្នុងសង្គម។
បន្ថែមពីនេះ ក៏មានការចូលរួមចែករំលែកពី លោក គឹម អាង ដែលជាសាស្ដ្រាចារ្យឯកទេសរោគកុមារ និងជាប្រធានអគារ “ក” នៅមន្ទីរពេទ្យកុមារជាតិ បានលើកឡើក្រោមប្រធានបទ “ក្មេងរឹងមាំរៀនសូត្រកាន់តែពូកែ”។ លោកបានបញ្ជាក់ថា ដំណើរការលូតលាស់និងអភិវឌ្ឍខួរក្បាលភាគច្រើនត្រូវបានបញ្ចប់នៅក្នុងអំឡុងពេល២៤ខែដំបូងនៃជីវិត ដូច្នេះកុមារចំបាច់ត្រូវការអាហារូបត្ថម្ភសំរាប់បង្កើនបញ្ញា ដូចជាអាហារសំបូរជាតិលុយតេអ៊ីនដែលជួយដល់ភ្នែកនិងខួរក្បាលកុមារធ្វើឲ្យឆ្លាតនិងមើលឃើញច្បាស់ រួមជាមួយអាហារសំបូរជាតិ DHA ជួយដល់ការលូតលាស់ខួរក្បាលធ្វើឲ្យក្មេងឆ្លាត និងវីតាមីនអ៊ីធម្មជាតិការពារ DHA ពីការបំផ្លាញដោយអុកស៊ីតកម្ម។
ដូច្នេះ ដើម្បីយល់ដឹងកាន់តែច្បាស់ពីការចិញ្ចឹមនិងអប់រំកុមារឲ្យបានល្អ មាតាបិតាអាចចូលរួមសិក្ខាសាលាស្ដីពី “វិធីសាស្ត្រក្នុងការចិញ្ចឹមកូន” លើកទី២ដែលនឹងធ្វើឡើងនៅថ្ងៃទី១៨ មករា ២០២០នេះ នៅសាលាអន្ដរជាតិ Shoudu Bilingual International School ចាប់ពីម៉ោង៩ព្រឹកដល់១២ថ្ងៃត្រង់ ដើម្បីយល់ដឹងបន្ថែមអំពីបញ្ហាចោទនិងវិធីសាស្ដ្រដោះស្រាយរបស់កូនអ្នកក្នុងជីវិតប្រចាំថ្ងៃ ជាពិសេសជាមួយនឹងប្រធានបទថ្មីពីការកាត់បន្ថយការប្រើប្រាស់ទូរស័ព្ទ ឬគ្រឿងអេឡិចត្រូនិចរបស់កុមារ។
គួរបញ្ជាក់ផងដែរថា សិក្ខាសាលាស្តីពី “វិធីសាស្ត្រក្នុងការចិញ្ចឹមកូន” នឹងធ្វើឡើងនៅទីតាំង១០សាលាក្នុងរាជធានីភ្នំពេញ ចាប់ពីខែមករាដល់ខែមីនាឆ្នាំ២០២០ ចាប់ពីម៉ោង៩ព្រឹកដល់១២ថ្ងៃត្រង់ នៅទីតាំងនិងថ្ងៃដូចខាងក្រោម៖
1. ថ្ងៃទី12 មករា ២០២០ (នៅសាលាអន្ដរជាតិ Singapore Cambodia International Academy - SCIA)
2. ថ្ងៃទី18 មករា ២០២០ (នៅសាលាអន្ដរជាតិ 柬埔寨首都雙語國際學校 Cambodia Shoudu Bilingual International School)
3. ថ្ងៃទី1 កុម្ភៈ ២០២០ (នៅសាលាអន្ដរជាតិ Eco International School)
4. ថ្ងៃទី8 កុម្ភៈ ២០២០ (នៅសាលាអន្ដរជាតិ Bluebird British International School in Phnom Penh)
5. ថ្ងៃទី9 កុម្ភៈ ២០២០ (នៅសាលាអន្ដរជាតិ Canadian International Academy Cambodia)
6. ថ្ងៃទី16 កុម្ភៈ ២០២០ (នៅសាលាអន្ដរជាតិ Footprints International School)
7. ថ្ងៃទី29 កុម្ភៈ ២០២០ (នៅសាលាអន្ដរជាតិ Southbridge International School Cambodia)
8. ថ្ងៃទី07 មីនា ២០២០ (នៅសាលាអន្ដរជាតិ Western International School)
* រួមជាមួយសាលាអន្ដរជាតិជាច្រើនផ្សេងទៀត
កម្មវិធីនេះរៀបចំដោយក្រុមហ៊ុនអនុស្សា និងមានការឧបត្ថម្ភធំដោយទឹកដោះគោម្សៅ Similac Gain IQ។ សម្រាប់ព័ត៌មានបន្ថែម សូមទំនាក់ទំនងតាមរយៈទូរស័ព្ទលេខ៖ 012 230 140 / 010 911 776 ឬ ទំព័រហ្វេសប៊ុក Anussa Event Planner។
(អត្ថបទពាណិជ្ជកម្ម)