ជាតិ
សង្គមជាតិ
កម្ពុជា-វៀតណាម នឹងចុះហត្ថលេខាលើកិច្ចសហការនគរបាលឆ្នាំ២០២០
× សម្តេច ស ខេង រដ្ឋមន្ត្រីក្រសួងមហាផ្ទៃ នឹងដឹកនាំគណៈប្រតិភូ ទៅបំពេញទស្សនកិច្ច នៅទីក្រុងហូជីមិញ ប្រទេសវៀតណាម ចាប់ពីថ្ងៃទី១៧ ដល់ ថ្ងៃទី១៩ ខែមករា ឆ្នាំ២០២០។
សេចក្តីជូនដំណឹងរបស់ក្រសួងមហាផ្ទៃ ដែលចេញនៅថ្ងៃទី១៦ ខែមករា បានឲ្យដឹងថា ដំណើរទស្សនកិច្ចនេះ គឺជាការបន្តអនុវត្តកិច្ចសហប្រតិបត្តិការទ្វេភាគីប្រចាំឆ្នាំ រវាងក្រសួងមហាផ្ទៃកម្ពុជា និងក្រសួងនគរបាលវៀតណាម។
សេចក្តីជូនដំណឹង បញ្ជាក់ថា សម្តេច ស ខេង នឹងធ្វើជាសហប្រធាន ដឹកនាំកិច្ចប្រជុំវាយតម្លៃលទ្ធផលនៃកិច្ចសហប្រតិបត្តិការឆ្នាំ២០១៩ និងចុះហត្ថលេខាជាមួយគ្នា លើផែនការនៃសហប្រតិបត្តិការឆ្នាំ២០២០ ដោយផ្តោតសំខាន់លើការលើកកម្ពស់តួនាទី និងភារកិច្ចកងកម្លាំងនគរបាល ក្នុងការថែរក្សាសន្តិសុខ សុវត្ថិភាពសង្គម និង សណ្តាប់ធ្នាប់សាធារណៈ៕
Tag:
កម្ពុជា
វៀតណាម
កិច្ចសហការនគរនគរបាល
© រក្សាសិទ្ធិដោយ thmeythmey.com