បញ្ជូនមន្ត្រីអាវុធហត្ថខេត្តបន្ទាយមានជ័យ២នាក់ ទៅតុលាការ ក្រោយអ្នកជាប់ឃុំម្នាក់ស្លាប់ដោយការប្រើហិង្សា

ជាតិ

បញ្ជូនមន្ត្រីអាវុធហត្ថខេត្តបន្ទាយមានជ័យ២នាក់ ទៅតុលាការ ក្រោយអ្នកជាប់ឃុំម្នាក់ស្លាប់ដោយការប្រើហិង្សា

19, Jan 2020 , 2:25 pm

រូបភាព

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ នាយកទាហាននៃកងរាជអាវុធហត្ថខេត្តបន្ទាយមានជ័យ ២នាក់ ត្រូវបានបញ្ជូនទៅតុលាការសាលាដំបូងខេត្តបន្ទាយមានជ័យ ក្រោយជនត្រូវចោទម្នាក់បានស្លាប់ នៅក្នុងពន្ធនាការដោយការប្រើអំពើហិង្សា។ នេះបើតាមសេចក្ដីប្រកាសព័ត៌មាន របស់កងរាជអាវុធហត្ថលើផ្ទៃប្រទេស នៅថ្ងៃទី១៩ មករានេះ។

កងរាជអាវុធហត្ថលើផ្ទៃប្រទេស បានបង្កើតគណៈកម្មការចំពោះកិច្ច ស្រាវជ្រាវ និងផ្ទៀងផ្ទាត់ករណីស្លាប់របស់អ្នកជាប់ឃុំម្នាក់ ក្រោយមានប្រតិកម្មពីនាយករដ្ឋមន្ត្រី។ នៅថ្ងៃទី១៩ មករានេះ កងរាជអាវុធហត្ថលើផ្ទៃប្រទេស បានចេញសេចក្តីប្រកាសព័ត៌មានស្ដីពីលទ្ធផលធ្វើអធិការកិច្ចរបស់ខ្លួន ដោយរកឃើញថានាយទាហានកងរាជអាវុធហត្ថ ២នាក់ ពិតជាបានប្រើអំពើហិង្សា លើអ្នកជាប់ឃុំដោយប្រាកដមែន។

សេចក្ដីប្រកាសព័ត៌មានបញ្ជាក់ដូច្នេះ៖«ការធ្វេសប្រហែសក្នុងការអនុវត្តតួនាទី ភារកិច្ច ដោយឃាត់ខ្លួនជនសង្ស័យ នៅជាមួយក្រុមក្មេងដែលកំពុងអប់រំបន្សាបគ្រឿងញៀន និងបណ្តោយឲ្យក្មេងទាំងនោះ វាយធ្វើបាបជនសង្ស័យ។ ក្រោយបញ្ជូនខ្លួនទៅកាន់ពន្ធនាគារ តាមដីកាឃុំខ្លួនបណ្តោះអាសន្ន របស់ចៅក្រមស៊ើបសួរនៃសាលាដំបូងខេត្តបន្ទាយមានជ័យ ជនត្រូវចោទឈ្មោះ ទុយ ស្រស់ បានស្លាប់»។

នាយទាហានទាំង២នាក់ មានម្នាក់ជាមេបញ្ជាការរងកងរាជអាវុធហត្ថខេត្តបន្ទាយមានជ័យ និងម្នាក់ទៀត ជាជំនួយការការិយាល័យប្រឆាំងគ្រឿងញៀនកងរាជអាវុធហត្ថខេត្តបន្ទាយមានជ័យ។ នេះបើតាមសេចក្តីប្រកាសព័ត៌មានដដែល។

អត្ថបទទាក់ទង

អ្នកជាប់ឃុំពីរនាក់ហើយ បានស្លាប់, មន្ត្រី បកស្រាយថា «មកពីជនរងគ្រោះខ្លួនឯង»

ពលរដ្ឋ១៥០គ្រួសារ ប្តឹងមនុស្ស៦នាក់ ពីបទសមគំនិតសម្លាប់អ្នកជាប់ឃុំម្នាក់នៅបន្ទាយមានជ័យ

នាយករដ្ឋមន្រ្តី បញ្ជាឲ្យស៊ើបអង្កេតករណីអ្នកជាប់ឃុំម្នាក់ស្លាប់ នៅបន្ទាយមានជ័យ

សូមបញ្ជាក់ថា លោក ទុយ ស្រស់ ជាពលរដ្ឋម្នាក់ក្នុងចំណោម៥នាក់ ដែលត្រូវបានចាប់ខ្លួនដោយសារការតវ៉ារឿងដីធ្លី។ លោក បានស្លាប់ក្នុងពន្ធនាគារខេត្តបន្ទាយមានជ័យ៕