ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ជាញឹកញយអាការៈមុនពេលមករដូវតែងបង្កផលប៉ះពាល់ដល់ស្ត្រីសឹងតែរៀងរាល់ខែពីកម្រិតស្រាលដល់ធ្ងន់ធ្ងរ។ ក្នុងចំណោមអាការៈទាំងនោះរួមមានវិលមុខ ឆាប់ឆេវឆាវ ឈឺក្បាល ឃ្លានខ្លាំង ចុករមួលក្នុងពោះ និងអស់កម្លាំង ជាដើម។ អាការៈមុនពេលមករដូវអាចកើតឡើងមុនពេលចាប់ផ្ដើមមករដូវ ហើយក៏បាត់ទៅវិញដោយឯកឯងនៅពេលក្រោយ។ 
ទោះជាយ៉ាងណាថ្ងៃនេះយើង នឹងបង្ហាញឱ្យដឹងពីអ្វីដែលអ្នកគួរព្យាយាមទទួលទានកំឡុងពេលមករដូវ ៖
១. បន្លែបៃតង
ការទទួលទានបន្លែបៃតងជួយផ្ដល់ឱ្យរាងកាយនូវជាតិរ៉ែចាំបាច់បំផុតមួយកំឡុងពេលមករដូវ គឺជាតិដែក។ បន្លែបៃតងក៏ជាប្រភពដ៏ប្រសើរនៃជាតិសរសៃដែលជួយឱ្យឆាប់ឆ្អែតនិងឆ្អែតបានយូរផងដែរ។ លើសពីនេះទៅទៀតបន្លែបៃតងមានផ្ទុកសម្បូរទៅដោយកាល់ស្យូម ម៉ាញ៉េស្យូម និងសារធាតុចិញ្ចឹមសំខាន់ៗផ្សេងទៀតដែលអាចសម្រាលអាការៈចុករមួលក្នុងពោះ។
២. សាច់ក្រហម
ជាតិដែកជាមូលហេតុមួយដែលធ្វើឱ្យសាច់ក្រហមគួរត្រូវបានរួមបញ្ចូលក្នុងរបបអាហារកំឡុងពេលមករដូវ។ ទោះជាយ៉ាងណាអ្នកគួរជ្រើសរើសទទួលទានសាច់គ្មានខ្លាញ់និងញ៉ាំគួបផ្សំជាមួយបន្លែផ្សេងៗ។
៣. គ្រឿងសមុទ្រ
អាស៊ីតខ្លាញ់អូមេហ្កា ៣ អាចជួយសម្រាលអាការៈចុករមួលកំឡុងពេលមករដូវគួរឱ្យកត់សម្គាល់។ ហើយប្រភពដ៏ប្រសើរបំផុតនៃអាស៊ីតខ្លាញ់នេះរួមមានត្រីសម្បូរខ្លាញ់ដូចជាសាលម៉ុន ព្រមទាំងគ្រឿងសមុទ្រផ្សេងទៀតដូចជាបង្កង បង្គា អយស្ទ័រ មឹក និងក្ដាម។
៤. គ្រាប់ធញ្ញជាតិ
ក៏ជាប្រភពដ៏ប្រសើរបំផុតមួយនៃអាស៊ីតខ្លាញ់អូមេហ្កា ៣ ផងដែរ។ ទោះជាយ៉ាងណាអ្នកមិនគួរទទួលទានលើសពីមួយក្ដាប់ដៃពេញក្នុងមួយថ្ងៃឡើយ។
៥. ផ្លែឈើស្រស់ៗ
ទោះបីជាផ្លែឈើមានផ្ទុកជាតិស្ករ ប៉ុន្តែមិនមែនជាស្ករកែច្នៃឡើយ! ដូច្នេះអ្នកមិនគួរបារម្ភពេកទេ។ ក្រៅពីនេះផ្លែឈើមានផ្ទុកសម្បូរទៅដោយវីតាមីននិងជាតិរ៉ែដែលរាងកាយត្រូវការចាំបាច់ដើម្បីរក្សាសុខភាពល្អប្រសើរ ពិសេសកំឡុងពេលមករដូវដើម្បីគ្រប់គ្រងតុល្យភាពអ័រម៉ូន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
