មិនគួរយកផ្លែឈើមានក្លិនស្អុយ ពិបាកបក និងរសជាតិជូរ ទៅសែនចូលឆ្នាំចិន!

ជាតិ

វីដេអូ

សង្គមជាតិ

មិនគួរយកផ្លែឈើមានក្លិនស្អុយ ពិបាកបក និងរសជាតិជូរ ទៅសែនចូលឆ្នាំចិន!

23, Jan 2020 , 7:59 am

រូបភាព

ដោយ:

ភ្នំពេញ៖ ជាទូទៅនៅមុនថ្ងៃសែនចូលឆ្នាំចិនមួយថ្ងៃ ពលរដ្ឋខ្មែរកាត់សែស្រឡាយចិន មមាញឹកនឹងការរៀបចំទិញគ្រឿងសំណែនផ្សេងៗសម្រាប់សែនដល់ដូនតា និងញាតិសន្តានដែលបានចែកឋានទៅ។ ផ្លែឈើ ក៏ជាសំណែនមួយប្រភេទ ដែលប្រជាពលរដ្ឋសែស្រឡាយចិន តែងសែននៅថ្ងៃចូលឆ្នាំចិនផងដែរ។ បើតាមលោក លឹម កញ្ចរ៉ុង ត្រូវរកផ្លែឈើណាដែលល្អៗ និងជៀសវាងសែនផ្លែឈើពិបាកបក ស្មុគស្មាញ និងមានក្លិនស្អុយ ប៉ុន្តែគួរសែន ផ្លែប៉ោម ក្រូចឃ្វិច ឪឡឹក ដែលនាំលាភ នាំសំណាង។

បន្តស្តាប់បទសម្ភាសរវាងកញ្ញា សៅ សុខអេង អ្នកសារព័ត៌មានថ្មីៗ និងលោក លឹម កញ្ចរ៉ុង គ្រូបង្រៀនភាសាចិននៅវិទ្យាស្ថានអន្តរជាតិកម្ពុជា-អាស៊ានដូចតទៅ៖

លោក លឹម កញ្ចរ៉ុង គ្រូបង្រៀនភាសាចិននៅវិទ្យាស្ថានអន្តរជាតិកម្ពុជា-អាស៊ាន បានបញ្ជាក់ថា ជនជាតិចិន មិននិយមសែនផ្លែឈើណាដែលពិបាកបក មានរសជាតិជូរ និងមានក្លិនស្អុយនោះទេ មានដូចជាផ្លែសាវម៉ាវ ខ្នុរ ទុរេន និងល្ហុងជាដើម។ គេមានជំនឿថា ផ្លែឈើប្រភេទទាំងនេះ មានភាពស្មុគស្មាញ ប្រៀបដូចជាធ្វើឲ្យការរកស៊ីរបស់ពួកគេមិនកាក់កប និងបំពេញកិច្ចការជួបតែឧបសគ្គមិនល្អ។

គ្រូបង្រៀនភាសាចិននៅវិទ្យាស្ថានអន្តរជាតិកម្ពុជា-អាស៊ានរូបនេះ និយាយដូច្នេះថា៖ «ផ្លែឈើដែលគួរតែសែន គឺមានជាផ្លែប៉ោម ដែលតំណាងឲ្យមានភាពសុខសប្បាយ។ ផ្លែក្រូច និងឪឡឹក នាំលាភសំណាង និងដេញឧបទ្រពចង្រៃ។ គេសែនផ្លែទំពាំងបាយជូរ និងផ្លែមៀន គេយល់ឃើញថា នឹងមានកូនចៅកាន់តែច្រើន សម្បូរសប្បាយ មានលុយកាក់ និងកាន់ទ្រព្យឲ្យរីកសុះសាយដូចគ្រាប់ផ្លែទំពាំងបាយជូរ និងផ្លែមៀនអ៊ីចឹង»៕