ចូលឆ្នាំចិន-វៀតណាម៖ រដ្ឋបាលខេត្តសៀមរាប ហាមដុតរំសេវ ផាវ និងគ្រឿងផ្ទុះ

ជាតិ

ចូលឆ្នាំចិន-វៀតណាម៖ រដ្ឋបាលខេត្តសៀមរាប ហាមដុតរំសេវ ផាវ និងគ្រឿងផ្ទុះ

24, Jan 2020 , 7:59 am

រូបភាព

ដោយ: អុីសា រ៉ហានី (Isa Rohany)

សៀមរាប៖ រដ្ឋបាលខេត្តសៀមរាប បានហាមមិនឱ្យប្រើប្រាស់ នាំចូល លក់ ទិញ នូវរំសេវ ផាវ និងគ្រឿងផ្ទុះគ្រប់ប្រភេទ នាពិធីបុណ្យចូលឆ្នាំប្រៃពៃណីចិន-វៀតណាម។ បទបញ្ជានេះ ធ្វើឡើងក្នុងបំណងដើម្បីរក្សាសុវត្ថិភាព សន្ដិសុខ សណ្ដាប់ធ្នាប់ ជៀសវាងអគ្គិភ័យ ក៏ដូចជាបង្កភាពភ្ញាក់ផ្អើលដល់សាធារណជន និងភ្ញៀវទេសចរ។

តាមលិខិតរបស់រដ្ឋបាលក្រុងសៀមរាប ដែលចេញផ្សាយនៅថ្ងៃទី១៤ មករា ក្រៅពីហាមលក់ដូរ និងប្រើប្រាស់គ្រឿងផ្ទុះជាសាធារណហើយនោះ គ្រប់អង្គភាពពាក់ព័ន្ធ ត្រូវពិនិត្យ និងចាត់វិធានការយ៉ាងម៉ឺងម៉ាត់ ចំពោះជនដែលប្រព្រឹត្តល្មើស ដោយត្រូវអប់រំ ណែនាំ ក៏ដូចជាធ្វើកិច្ចសន្យាបញ្ឈប់ជាបន្ទាន់ ហើយករណីជននោះនៅបន្តប្រព្រឹត្ត អាជ្ញាធរត្រូវពិន័យ និងចាត់វិធានការតាមផ្លូវច្បាប់៕