រដ្ឋមន្ត្រីអប់រំ រំលឹកថា ចូលឆ្នាំចិនមិនស្ថិតក្នុងប្រតិទិនឈប់សម្រាកឡើយ

ជាតិ

សង្គមជាតិ

រដ្ឋមន្ត្រីអប់រំ រំលឹកថា ចូលឆ្នាំចិនមិនស្ថិតក្នុងប្រតិទិនឈប់សម្រាកឡើយ

23, Jan 2020 , 3:18 pm

រូបភាព

លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា

ដោយ:

ភ្នំពេញ៖ លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានប្រាប់ឲ្យអាណាព្យាបាលសិស្សជំរុញកូនទៅរៀន និងណែនាំឲ្យគ្រឹះស្ថានសិក្សារដ្ឋ និងឯកជននានាបើកដំណើរការជាធម្មតានៅថ្ងៃបុណ្យចូលឆ្នាំចិន។

អត្ថបទទាក់ទង

ប្រតិទិនឈប់សម្រាកទាំង២២ថ្ងៃប្រចាំឆ្នាំ២០២០នេះ

រដ្ឋមន្ត្រីក្រសួងអប់រំបានណែនាំឲ្យអាណាព្យាបាលសិស្ស ត្រូវលើកទឹកចិត្តកូនឱ្យមករៀនជាប្រចាំ និងឲ្យគ្រប់គ្រឹះស្ថានសិក្សារដ្ឋ និងឯកជន ត្រូវបើកទ្វារដំណើរការជាធម្មតា និងអនុវត្តកម្មវិធីសិក្សាឱ្យបានពេញលេញ ដើម្បីចូលរួមពង្រឹងសមត្ថភាពសិស្សានុសិស្សគ្រប់កម្រិតថ្នាក់ នៅក្នុងថ្ងៃបុណ្យចូលឆ្នាំំចិន ។

លោក ហង់ ជួន ណារ៉ុន ថ្លែងដូច្នេះថា៖«បុណ្យចូលឆ្នាំចិនមិនស្ថិតនៅក្នុងអនុក្រឹត្យលេខ១១២ អនក្រ បក ស្តីពីប្រតិទិនឈប់សម្រាកការងាររបស់មន្ត្រីរាជការ និយោជិក កម្មករ ប្រចាំឆ្នាំ២០២០ នោះទេ។ មាតាបិតា មិនគួរដាក់ការធ្វើដំណើរកម្សាន្តប៉ះចំថ្ងៃកូនសិក្សានោះទេ។ គ្រប់គ្រឹះស្ថានទាំងអស់ ត្រូវអនុវត្តវិធានការរដ្ឋបាល ចំពោះបុគ្គលិកអប់រំ សិស្សានុសិស្ស ដែលអវត្តមានក្នុងអំឡុងបុណ្យចូលឆ្នាំចិន»៕