ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
តើអ្នកធ្លាប់ឆ្ងល់ទេថា បច្ចុប្បន្ននេះមានវិធីព្យាបាលបញ្ហាផ្លូវភេទដោយខ្លួនឯងតាមវិធីសាមញ្ញៗដែរទេ? មែនហើយ ការញ៉ាំទឹកឃ្មុំលាយជាមួយទឹកក្តៅឧណ្ហៗ និងក្រូចឆ្មារ មួយកែវអាចជួយដល់ការសម្រកទម្ងន់បាន តែវានៅតែមិនទាន់ច្បាស់លាស់នៅឡើយទេ។ យ៉ាងណាមិញ ការញ៉ាំទឹកផ្លែទទឹមអាចនឹងពង្រឹងដល់ជីវិតផ្លូវភេទបាន។ ការស្រាវជ្រាវបានអះអាងថា ទឹកផ្លែទទឹមមួយកែវមិនត្រឹមតែជួយពង្រឹងដល់ចំណង់ផ្លូវភេទបុរសទេ តែក៏ជួយប្រឆាំងនឹងបញ្ហាលិង្គមិនព្រមឡើងរឹង និងបង្កើនចំនួនអ័រម៉ូនភេទប្រុសដែរ។ 
ខាងក្រោមនេះគឺជាហេតុផលមួយចំនួន ដែលបុរសគ្រប់រូបគួរតែញ៉ាំទឹកផ្លែទទឹមមួយកែវ៖
បង្កើនចំណង់ផ្លូវភេទ
តាមការស្រាវជ្រាវបានឲ្យដឹងថា ទឹកផ្លែទទឹមអាចដើរតួនាទីជាថ្នាំសម្រើប និងបង្កើនចំណង់ផ្លូវភេទដល់មនុស្សទាំងពីរភេទបាន។ វាមិនត្រឹមតែជួយពង្រឹងដល់លក្ខណៈផ្លូវភេទទីពីររបស់បុរសទេ តែក៏ជំរុញដល់ភាពចង់ធ្វើការរួមភេទខ្លាំងណាស់ដែរ។ ការសិក្សាបានរកឃើញទៀតថា បុរស និងស្ត្រីដែលញ៉ាំផ្លែទទឹមមួយកែវរាល់ថ្ងៃយ៉ាងហោចណាស់ ១៥ថ្ងៃ ឃើញថាបានបង្កើនចំនួនអ័រម៉ូនភេទប្រុសក្នុងខ្លួនសម្រាប់បង្កើនចំណង់ផ្លូវភេទ។
ពង្រឹងដល់គុណភាពមេជីវិតឈ្មោល
តាមការសិក្សាមួយដែលចុះផ្សាយក្នុងសារព័ត៌មាន Clinical Nutrition កាលពីឆ្នាំ ២០០៨ បានរកឃើញថា ការញ៉ាំទឹកផ្លែទទឹមមួយកែវជារៀងរាល់ព្រឹក មិនត្រឹមតែជួយពង្រឹងដល់គុណភាពមេជីវិតឈ្មោលទេ តែក៏ពង្រឹងដល់ចំណង់ផ្លូវភេទដែរ។ ការសិក្សាបានបង្ហាញថា វាក៏ជួយបង្កើនកំហាប់មេជីវិតឈ្មោល និងភាពរស់រវើករបស់មេជីវិតឈ្មោលផងដែរ។ យ៉ាណាមិញ ទឹកផ្លែទទឹមជួយកាត់បន្ថយចំនួនមិនធម្មតារបស់មេជីវិតឈ្មោលបានល្អជាងអ្នកដែលមិនបានញ៉ាំ។
ជួយដោះស្រាយបញ្ហាងាប់លិង្គ
មែនហើយ តាមការសិក្សាដែលចុះផ្សាយក្នុងសារព័ត៌មាន Internal Journal of Impotence Research បាននិយាយថា ទឹកផ្លែទទឹមជួយជម្នះនូវអាការៈលិង្គមិនព្រមឡើងរឹង។ ការសិក្សានេះបានធ្វើទៅលើបុរសចំនួន ៤២នាក់ ដែលសុទ្ធសឹងតែមានបញ្ហាលិង្កមិនព្រមឡើងរឹង និងបានញ៉ាំទឹកផ្លែទទឹមរយៈពេល ៤សប្តាហ៍ ហើយជាលទ្ធផលឃើញថា ការងារលើគ្រែរបស់ពួកគេក៏បានប្រសើរជាងមុនដែរ។ នេះដោយសារតែទឹកផ្លែទទឹមមានសារធាតុ Nitrates ដែលវាមិនត្រឹមតែជួយពង្រឹងដល់លំហូរឈាមទៅប្រដាប់ភេទទេ តែក៏កាត់បន្ថយសម្ពាធអុកស៊ីតកម្ម ដែលនាំឲ្យលិង្គមិនព្រមឡើងរឹងដែរ។
ចំណាំង៖
បើសិនជាអ្នកកំពុងតែប្រើថ្នាំ ឬលេបថ្នាំព្យាបាលជំងឺ ជាពិសេសបញ្ហាលិង្គមិនព្រមឡើងរឹងហើយ យកល្អគួរតែពិគ្រោះជាមួយគ្រូពេទ្យសិនមុននឹងសាកល្បងវិធីមួយនេះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
