ជាតិ
បទយកការណ៍ / បទសម្ភាសន៍
វីដេអូ
លោក ឡុង ស៊ីណា៖«ចូលឆ្នាំចិននេះ ខ្ញុំលក់ជ្រូកខ្វៃបានថ្លៃទ្វេរដង ហើយរកជ្រូកឱ្យគេមិនបានទៀត»
× ភ្នំពេញ៖ អស់រយៈបួនឆ្នាំមកហើយ ដែលលោកឡុង ស៊ីណា ប្រកបមុខរបរកាប់ និងខ្វៃជ្រូកលក់ ក្នុងឱកាសពិធីបុណ្យចូលឆ្នាំចិន និងពិធីសែនព្រេនបែបប្រពៃណីចិនផ្សេងៗ។ សម្រាប់បុណ្យចូលឆ្នាំចិន និងវៀតណាម ឆ្នាំ២០២០នេះ លោក ស៊ីណា បានអះអាងថា ជ្រូកខ្វៃរបស់លោក គឺលក់បានតម្លៃខ្ពស់ជាងរាល់ឆ្នាំជិតទ្វេរដង ដោយជ្រូកខ្វៃមួយក្បាលមានតម្លៃពី៦០-៩០ម៉ឺនរៀល។
បើតាម លោក ឡុង ស៊ីណា ជ្រូកខ្វៃឆ្នាំនេះគឺលក់ដាច់ ប៉ុន្តែថ្លៃជាងរាល់ឆ្នាំធ្វើឱ្យអ្នកទិញខ្លះសាញនឹងតម្លៃ។ អាជីវករដែលប្រកបរបរធ្វើជ្រូកខ្វៃលក់នៅសង្កាត់ចាក់អង្រែក្រោម រាជធានីភ្នំពេញ រូបនេះ បាននិយាយដូច្នេះ៖«ឆ្នាំមុន ជ្រូកខ្វៃទម្ងន់១០គីឡូ មានតម្លៃពី៥២-៥៥ម៉ឺនរៀល។ ដោយឡែក ឆ្នាំនេះ ជ្រូកខ្វៃទម្ងន់ដូចគ្នា គឺមានតម្លៃរហូតដល់៨០-៩០ម៉ឺនរៀល»។ ថ្វីដ្បិតជ្រូកឆ្នាំ២០២០នេះ ថ្លៃក៏ពិតមែន តែមានអ្នកបញ្ជាទិញច្រើន រកជ្រូកលក់ឱ្យគេពុំបាន ដោយសារកសិករនៅតាមខេត្តនានា ចិញ្ចឹមជ្រូកមិនសូវបាន។ នេះជាការលើកឡើងរបស់អាជីវករវ័យ៤២ឆ្នាំរូបនេះ។
ក្នុងឱកាសបុណ្យចូលឆ្នាំចិននេះ លោក ឡុង ស៊ីណា បានប្រមូលទិញជ្រូកពីកសិករតាមខេត្តបានត្រឹមតែ២៥០ក្បាលប៉ុណ្ណោះ ខណៈដែលមានការបញ្ជាទិញ លើសពីបរិមាណជ្រូកដែលលោកមាន។ ជ្រូកដែលលោក ឡុង ស៊ីណា ប្រមូលទិញពីកសិករ គឺមានប្រភពមកពីខេត្តព្រះវិហារ, កំពង់ធំ, រតនគិរី និងមណ្ឌលគិរី៕
នារដូវចូលឆ្នាំចិន-វៀតណាម ឆ្នាំ២០២០នេះ លោក ឡុង ស៊ីណា ដែលប្រកបរបរធ្វើជ្រូកខ្វៃលក់នៅសង្កាត់ចាក់អង្រែក្រោម រាជធានីភ្នំពេញ បានឲ្យដឹងថា ជ្រូកខ្វៃឆ្នាំនេះគឺលក់ដាច់ ប៉ុន្តែ ថ្លៃជាងរាល់ឆ្នាំដែលធ្វើឱ្យអ្នកទិញខ្លះសាញនឹងតម្លៃ។ លោក ស៊ីណា បញ្ជាក់ថា ឆ្នាំមុន ជ្រូកខ្វៃទម្ងន់១០គីឡូ មានតម្លៃពី៥២-៥៥ម៉ឺនរៀល ខណៈឆ្នាំ២០២០នេះ ជ្រូកខ្វៃទម្ងន់ដូចគ្នា គឺមានតម្លៃរហូតដល់៨០-៩០ម៉ឺនរៀល។ ថ្វីដ្បិតជ្រូកឆ្នាំនេះ ថ្លៃក៏ពិតមែន តែមានអ្នកបញ្ជាទិញច្រើន រកជ្រូកលក់ឱ្យគេពុំបាន ដោយសារកសិករនៅតាមខេត្តនានា ចិញ្ចឹមជ្រូកមិនសូវបាន៕
Tag:
ចូលឆ្នាំចិន
ជ្រូកខ្វៃ
© រក្សាសិទ្ធិដោយ thmeythmey.com