ជាតិ
សេដ្ឋកិច្ច
ចិន បានវិនិយោគផ្នែកសណ្ឋាគារនៅកម្ពុជា ជាង៤,០០០លានដុល្លារ នៅឆ្នាំ២០១៩
រង្វង់មូលតោពីរនៅខេត្តព្រះសីហនុ មានសំណង់សណ្ឋាគារជាច្រើនរបស់ចិន។ រូបថត AFP
×![]()
ភ្នំពេញ៖ រយៈពេល៨ខែ នៃឆ្នាំ២០១៩ ពោលចាប់ពីខែមករា ដល់ខែសីហា ចិន បានវិនិយោគលើផ្នែកសណ្ឋាគារ និងគម្រោងការអភិវឌ្ឍធំៗនានានៅកម្ពុជា ក្នុងទំហំទឹកប្រាក់ប្រមាណ៤,៣០០ លានដុល្លារអាមេរិក។ នេះបើយោងតាមរបាយការណ៍របស់ លោក យិន ណាត ប្រធាននាយកដ្ឋានវិនិយោគទេសចរណ៍ ដែលផ្តល់ឱ្យសារព័ត៌មានThmeyThmey កាលពីថ្ងៃទី២១មករា ឆ្នាំ២០២០។
របាយការណ៍ដដែលបានបញ្ជាក់ថា ទឹកប្រាក់វិនិយោគខាងលើនេះ គឺស្ថិតនៅក្នុងគម្រោងចំនួន១៤ ដោយភាគច្រើនសាងសង់សណ្ឋាគារ ចាប់កម្រិតផ្កាយ៣ ដែលមានជាង៣០០បន្ទប់ រហូតដល់ជាង១០០០បន្ទប់ ក្នុងកម្រិតសណ្ឋាគារលំដាប់ផ្កាយ៥។ ក្នុងទំហំវិនិយោគនេះ ក៏មានគម្រោងអភិវឌ្ឍន៍កោះឋានសួគ៌ នៅខេត្តព្រះសីហនុ និងគម្រោងអភិវឌ្ឍន៍ទីក្រុងទេសចរណ៍ ជាដើម។
សូមជម្រាបថា ចាប់ពីឆ្នាំ១៩៩៤-២០១៨ ចិនបានវិនិយោគនៅកម្ពុជា ចំនួន១៩៧គម្រោង ដែលមានទុនវិនិយោគ ១១,៣៤៤ លានដុល្លារ។ ក្នុងនោះ មាន១២គម្រោង ដែលមានទុនវិនិយោគ ៩៤៥លានដុល្លារ នៅចន្លោះឆ្នាំ២០០៣-២០១៨។ ក្រៅពីគម្រោងវិនិយោគធំៗទាំងនេះ ចិនក៏បានកាន់កាប់អាជីវកម្ម លើផ្នែកភោជនីយដ្ឋាន-អាហារដ្ឋានទេសចរណ៍ ទីភ្នាក់ងារទេសចរណ៍ និងសេវាស្នាក់នៅ ចំនួន២៦២កន្លែង ជាមួយនឹងសេវាមគ្គទេសក៍ដែលនិយាយភាសាចិនជាង១,០០០នាក់ផងដែរ៕
Tag:
ទេសចរណ៍
ចូលឆ្នាំចិន
វិនិយោគ
សណ្ឋាគារ
© រក្សាសិទ្ធិដោយ thmeythmey.com
