អត្ថបទពាណិជ្ជកម្ម
Vietjet ផ្តើមសេវាហោះហើរត្រង់ដំបូងរបស់ខ្លួន ភ្ជាប់ទីក្រុងហាណូយ និងកោះឋានសួគ៌បាលី
លោក Nguyen Thanh Ha (កណ្តាលក្នុងសម្លៀកបំពាក់ពណ៌ខៀវ) រួមជាមួយនឹងលោក Duong Hoai Nam ប្រធានសាខាពាណិជ្ជកម្មភាគខាងជើងរបស់ Vietjet ស្វាគមន៍បុគ្គលិក និងអ្នកដំណើរ នៅថ្ងៃនៃការហោះហើរជាលើកដំបូង។
×![]()
ដោយ: ថ្មីៗ
(ភ្នំពេញ ថ្ងៃទី២៦ ខែមករា ឆ្នាំ២០២០) ៖ ដើម្បីអបអររដូវបុណ្យចូលឆ្នាំប្រពៃណីចិន ឆ្នាំ២០២០ ក្រុមហ៊ុនអាកាសចរណ៍ជំនាន់ថ្មី Vietjet ចាប់ផ្តើមបើកដំណើរការផ្លូវហោះហើរត្រង់ថ្មីបំផុតរបស់ខ្លួនជាផ្លូវការ ដែលភ្ជាប់ទីក្រុងហាណូយ និងកោះបាលី ក្នុងប្រទេសឥណ្ឌូណេស៊ី។ អ្នកដំណើរពីប្រទេសកម្ពុជា ឥឡូវនេះ អាចហោះហើរទីក្រុងសៀមរាប ទៅក្រុងហាណូយ ហើយអាចបន្តហោះហើរត្រង់ ទៅកាន់កោះបាលីតែម្តង។
នេះគឺជាសេវាហោះហើរទី២របស់ Vietjet ទៅកាន់គោលដៅវិស្សមកាលដ៏ល្បីល្បាញរបស់ឥណ្ឌូណេស៊ី បន្ទាប់ពីផ្លូវហោះហើររវាងទីក្រុងហូជីមិញ និងកោះបាលី ត្រូវបានបើកដំណើការតាំងពីខែឧសភា ឆ្នាំ២០១៩។ នេះគឺជាផ្លូវហោះហើរត្រង់ដំបូងគេ ដែលចេញដំណើរពីរដ្ឋធានីរបស់វៀតណាម ទៅកាន់កោះបាលី ផងដែរ។
លោក Nguyen Thanh Ha (កណ្តាលក្នុងសម្លៀកបំពាក់ពណ៌ខៀវ) រួមជាមួយនឹងលោក Duong Hoai Nam ប្រធានសាខាពាណិជ្ជកម្មភាគខាងជើងរបស់ Vietjet ស្វាគមន៍បុគ្គលិក និងអ្នកដំណើរ នៅថ្ងៃនៃការហោះហើរជាលើកដំបូង។
ក្នុងពិធីបើកការហោះហើរជាផ្លូវការ លោកស្រី Nguyen Thanh Ha ប្រធានក្រុមប្រឹក្សានាយករបស់ក្រុមហ៊ុន Vietjet មានប្រសាសន៍ថា៖ «Vietjet ត្រូវបានបង្កើតឡើង ជាមួយនឹងបេសកកម្មដ៏ទំនើបមួយ ដើម្បីភ្ជាប់ជើងមេឃ។ យើងពិតជាមានមោទកភាពណាស់ ដែលក្លាយជាក្រុមហ៊ុនអាកាសចរណ៍ដំបូងគេ ក្នុងការប្រតិបត្តិការហោះហើរត្រង់ រវាងទីក្រុងហាណូយ និងកោះបាលី។ ផ្លូវហោះហើរថ្មីនេះ បានប្រតិបត្តិចាប់ពីតាំងពីទី២ នៃបុណ្យចូលឆ្នាំប្រពៃណីចិន ដើម្បីឆ្លើយតបទៅនឹងតម្រូវការ នៃការធ្វើដំណើរអំឡុងចូលឆ្នាំថ្មី របស់អ្នកដំណើរក្នុងស្រុក និងអន្តរជាតិ ជាមួយនឹងពេលវេលាធ្វើដំណើរ និងការចំណាយតិចជាងមុន។ ការភ្ជាប់គោលដៅទេសចរណ៍វប្បធម៌២ ដ៏គួរឲ្យទាក់ទាញបំផុតនៅអាស៊ី ដូចជាហាណូយ-បាលី ក៏នឹងបង្កើនកិច្ចសហប្រតិបត្តិការបន្ថែមទៀត រវាងប្រទេសទាំង២ ក្នុងតំបន់អាស៊ានផងដែរ»។
អ្នកដំណើរ កំពុងតែចុះឈ្មោះឡើងយន្តហោះ និងទទួលកាដូនាំសំណាងនៅថ្ងៃចូលឆ្នាំថ្មីពី Vietjet។
ផ្លូវហោះហើររវាងហាណូយ-កោះបាលី ប្រតិបត្តិការហោះហើរជារៀងរាល់ថ្ងៃ ចាប់ពីថ្ងៃទី២៦ ខែមករា ឆ្នាំ២០២០ នេះតទៅ។ ការហោះហើរ នឹងចេញដំណើរពីទីក្រុងហាណូយ នៅម៉ោង១០ព្រឹក ហើយទៅដល់កោះបាលី នៅម៉ោង ៤:25 រសៀល។ ជើងហោះហើរត្រឡប់មកវិញ នឹងចេញដំណើរពីកោះបាលី នៅម៉ោង ៥:៣០ ល្ងាច និងទៅដល់ទីក្រុងហាណូយ នៅម៉ោង ៩:៥៥ យប់ (ម៉ោងទាំងអស់ គឺជាម៉ោងក្នុងស្រុក)។
អ្នកដំណើរ កំពុងតែចុះឈ្មោះឡើងយន្តហោះ និងទទួលកាដូនាំសំណាងនៅថ្ងៃចូលឆ្នាំថ្មីពី Vietjet។
អ្នកដំណើរ កំពុងអង្គុយនៅលើកយន្តហោះ និងទទួលកាដូនាំសំណាងនៅថ្ងៃចូលឆ្នាំថ្មីពី Vietjet។
ក្នុងនាមជារដ្ឋធានីរបស់វៀតណាម ហាណូយ ផ្តល់ជូនការសម្រាកវិស្សមកាល ដែលមិនអាចបំភ្លេចបាន ដោយសារតែមានប្រវត្តិសាស្ត្រដ៏សម្បូរបែប ក្នុងទីក្រុងនេះ។ ខណៈដែលត្រូវបានបង្កើតឡើងច្រើនជាង ១ពាន់ឆ្នាំមុន ហាណូយ ផ្តល់ការទាក់ទាញដល់ភ្ញៀវទេសចរទាំងអស់ ជាមួយនឹងអគារបុរាណ និងស្ថាដៃស្ថាបត្យកម្មសម័យអាណានិគមបារាំង ក៏ដូចជាតំបន់វប្បធម៌ និងម្ហូបអាហារដ៏ឈ្ងុយឆ្ងាញ់។
អាកាសយានដ្ឋានអន្តរជាតិ Ngurah Rai (Denpasar) ស្វាគមន៍ការហោះហើរត្រង់ជាលើកដំបូងរបស់ Vietjet ដែលភ្ជាប់ទីក្រុងហាណូយ និងបាលី។
បាលី ដែលជាគោលដៅមួយ ក្នុងចំណោមគោលដៅទេសចរណ៍ដ៏មានប្រជាប្រិយភាពបំផុត ក្នុងប្រទេសឥណ្ឌូណេស៊ី និងតំបន់អាស៊ីទាំងមូល។ ជារឿយៗត្រូវបានគេហៅថា «ជាកោះព្រះ» និងត្រូវបានចាត់ទុកថា ជាកោះឋានសួគ៌ ក្នុងតំបន់ត្រូពិក។ ជាមួយនឹងការជាប់ឆ្នោត ជាកោះមួយក្នុងចំណោមកោះដ៏ស្រស់ស្អាតបំផុតក្នុងពិភពលោក បាលី គឺជាតំបន់ធម្មជាតិដែលគ្មានការកែច្នៃដ៏ស្រស់ស្អាត មានទេសភាពដ៏ទាក់ទាញ និងសម្រស់វប្បធម៌ប្លែកៗជាច្រើន។
លោក Cok Ace (ឆ្វេង) អភិបាលរងក្រុងបាលី និងលោក Pham Vinh Quang (ស្តាំ) ឯកអគ្គរដ្ឋទូតវៀតណាម ប្រចាំឥណ្ឌូណេស៊ី ស្វាគមន៍អ្នកដំណើរលើយន្តហោះ ក្នុងការហោះហើរជាលើកដំបូង នៅថ្ងៃទី២នៃបុណ្យចូលឆ្នាំចិន ឆ្នាំ២០២០។
ក្នុងនាមជាក្រុមហ៊ុនអាកាសចរណ៍សម្រាប់ប្រជាជន និងអ្នកដំណើរទាំងអស់ Vietjet បើកដំណើរការផ្លូវហោះហើរថ្មីៗជាច្រើន ដើម្បីផ្តល់ជូនឱកាសហោះហើរជាច្រើនបន្ថែមទៀត ក្នុងតម្លៃដ៏សក្តិសម។ ជាមួយនឹងស្មារតីនៃការផ្តល់ជូននូវ «សុវត្ថិភាព សុភមង្គល សមរម និងទៀងទាត់ពេលវេលា» ដែលជាតម្លៃស្នូល ក្រុមហ៊ុន Vietjet បង្កើតបទពិសោធន៍នៃការហោះហើរប្រកបដោយការចងចាំ សម្រាប់អ្នកដំណើរនៅលើយន្តហោះថ្មី ដែលបំពាក់ដោយកៅអីដ៏មានផាសុកភាព ជម្រើសនៃម្ហូបអាហារក្តៅៗ និងឈ្ងុយឆ្ងាញ់ចំនួន៩មុខ ដែលត្រូវបានបម្រើដោយបុគ្គលិក ប្រកបដោយភាពរួសរាយរាក់ទាក់ និងផ្តល់ជូនសេវាបន្ថែមទំនើបៗជាច្រើន លើផ្លាតហ្វមពាណិជ្ជអេឡិចត្រូនិក។
លោក Cok Ace (ឆ្វេង) អភិបាលរងក្រុងបាលី និងលោក Pham Vinh Quang (ស្តាំ) ឯកអគ្គរដ្ឋទូតវៀតណាម ប្រចាំឥណ្ឌូណេស៊ី ស្វាគមន៍អ្នកដំណើរលើយន្តហោះ ក្នុងការហោះហើរជាលើកដំបូង នៅថ្ងៃទី២នៃបុណ្យចូលឆ្នាំចិន ឆ្នាំ២០២០។
សេវាហោះហើរថ្មីនេះ នឹងនាំយកអ្នកដំណើរទៅកាន់គោលដៅដ៏គួរឲ្យទាក់ទាញមួយផ្សេងទៀត សម្រាប់ការធ្វើដំណើរវិស្សមកកាលរបស់ខ្លួន ជាមួយនឹងក្រុមគ្រួសារ និងមិត្តភក្តិ។ Vietjet សង្ឃឹមថា នឹងផ្តល់ជូននូវភាពរីករាយ និងសុភមង្គល ដល់រាល់អ្នកដំណើរទាំងអស់ អំឡុងពេលថ្ងៃទី១ នៃបុណ្យចូលឆ្នាំចិន ដោយសូមជូនពរឲ្យគ្រប់គ្នា ជួបតែភាពរីករាយ និងឆ្នាំដ៏ល្អមួយ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
