ជាតិ
សុខភាព
ក្រសួងការងារ ឲ្យនិយោជកនិងកម្មករ អនុវត្តវិធានការបង្ការកូរ៉ូណាវីរុសនៅតាមរោងចក្រ
×![]()
ដោយ: ឡាយ សុភាវតី
ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្ដីណែនាំ ឲ្យកម្មករនិយោជិត និងនោយោជក អនុវត្តវិធានការបង្ការជំងឺរលាកសួតប្រភេទថ្មី កូរ៉ូណាវីរុស នៅតាមរោងចក្រ សហគ្រាស និងគ្រឹះស្ថាន ដោយតាមដានសង្កេតពីបញ្ហាសុខភាពផ្ទាល់ខ្លួន អ្នកជុំវិញខ្លួន រករោគសញ្ញានៃជំងឺកូរ៉ូណាវីរុស រួមទាំងថែរក្សាអនាម័យផ្ទាល់ខ្លួន។ 
ក្រសួងការងារ បានណែនាំឲ្យនិយោជក និងកម្មករនិយោជិត ត្រូវទៅមន្ទីរពេទ្យឬរាយការណ៍ទូរស័ព្ទលេខ១១៥ ប្រសិនបើសង្កេតឃើញ មាននរណាម្នាក់មានប្រវត្តិធ្វើដំណើរពីចិន ដែលមានរោគសញ្ញា ក្ដៅខ្លួនលើសពី៣៨អង្សា ក្អក ហៀរសំបោរ ឈឺបំពង់ក ដង្ហើមខ្លី ពិបាកដកដង្ហើម។
និយោជិក ត្រូវដាស់តឿន កម្មករនិយោជិត ពាក់ម៉ាស់ លាងដៃញឹកញាប់ជាមួយសាប៊ូឬអាល់កុល ចៀសវាងប៉ះពាល់អ្នកមានរោគសញ្ញាជំងឺកូរ៉ូណា ហាមប៉ះពាល់សត្វព្រៃ ហាមខាកស្ដោះពាសវាលពាស និងចម្អិនអាហារឲ្យឆ្អិន។ ក្រៅពីនេះ បន្តផ្សព្វផ្សាយដល់កម្មករ អំពីការការពាតស្ដីពីជំងឺកូរ៉ូណាវីរុស៕
Tag:
កូរ៉ូណាវីរុស
© រក្សាសិទ្ធិដោយ thmeythmey.com
