សុខភាព
អន្តរជាតិ
កូរ៉ូណាវីរុស៖ កូរ៉េខាងត្បូងរកឃើញ៤ករណីទៀត នាំឲ្យអ្នកជំងឺសរុបកើនដល់១១នាក់
× កូរ៉េខាងត្បូង បានរាយការណ៍ពីការរកឃើញអ្នកជំងឺរលាកសួតបង្កដោយមេរោគកូរ៉ូណាប្រភេទថ្មី៤ករណីទៀតនៅថ្ងៃសុក្រនេះ ដែលនាំឲ្យចំនួនសរុបនៅក្នុងប្រទេសកើនដល់១១នាក់។ នេះបើតាមការផ្សាយរបស់ទីភ្នាក់ងារព័ត៌មាន Yonhap។
កូរ៉េខាងត្បូងស្ថិតក្នុងចំណោមប្រទេសចំនួន២២ដែលមានករណីជំងឺកូរ៉ូណាវីរុស។ ដោយគិតម៉ោង២រសៀលថ្ងៃទី៣១ ខែមករា នេះ អ្នកជំងឺសរុបមានជាង៩៨០០នាក់ ដែលក្នុងនោះជាង៩៧០០នាក់ស្ថិតក្នុងប្រទេសចិន រួមទាំងតំបន់សេដ្ឋកិច្ចពិសេសហុងកុង ម៉ាកាវ និងតៃវ៉ាន់។
ប្រទេសផ្សេងទៀតរួមមានជប៉ុន ថៃ សិង្ហបុរី អូស្ត្រាលី ម៉ាឡេស៊ី បារាំង សហរដ្ឋអាមេរិក អាល្លឺម៉ង់ វៀតណាម អេមីរ៉ាតអារ៉ាប់រួម កាណាដា អ៊ីតាលី កម្ពុជា ហ្វាំងឡង់ ណេប៉ាល់ ហ្វីលីពីន ឥណ្ឌា និងស្រីលង្កា។
មនុស្សចំនួន២១៣នាក់បានស្លាប់ ដែលស្ថិតក្នុងប្រទេសចិនទាំងអស់ និងភាគច្រើននៅក្រុងវូហាន ជាទីកន្លែងដែលមេរោគបានផ្ទុះឡើងដំបូងគេ៕
© រក្សាសិទ្ធិដោយ thmeythmey.com