ជាតិ
សង្គមជាតិ
×![]()
ដោយ: ឡាយ សុភាវតី
ភ្នំពេញ៖ មប្រឹក្សាអភិវឌ្ឍន៍កម្ពុជា CDC សម្រេចចុះបញ្ជីឲ្យអ្នកវិនិយោគបង្កើតក្រុមហ៊ុនជាង២៦០០ក្រុមហ៊ុន នៅឆ្នាំ២០១៩ ដែលភាគច្រើនវិនិយោគលើវិស័យសំខាន់ៗ៤ គឺកសិកម្ម ទេសចរណ៍ ហេដ្ឋារចនាសម្ព័ន្ធ និងវិស័យរោងចក្រ សហគ្រាស ។ 
បើតាមរបាយការណ៍បូកសរុបលទ្ធផលការងារឆ្នាំ២០១៩ របស់អគ្គនាយកដ្ឋានអន្តោប្រវេសន៍ ការចុះបញ្ជីក្រុមហ៊ុនចំនួនជាង២៦០០ក្រុមហ៊ុន របស់អ្នកវិនិយោគបរទេស គឺកើនឡើងជាង៧០ក្រុមហ៊ុន បើធៀបនឹងឆ្នាំ២០១៨។ វិស័យវិនិយោគសំខាន់ៗទាំង៤ផ្នែក មានវិស័យកសិកម្ម២៥២ក្រុមហ៊ុន វិស័យទេសចរណ៍១១៩ក្រុមហ៊ុន វិស័យហេដ្ឋារចនាសម្ព័ន្ធ១៦៣ក្រុមហ៊ុន និងវិស័យរោងចក្រ សហគ្រាស២០៨៨ក្រហ៊ុន។ ប៉ុន្តែអគ្គនាយកដ្ឋានអន្តោប្រវេសន៍ មិនមានរបាយការណ៍នៃទុនវិនិយោគសរុបរបស់ក្រុមហ៊ុនទាំងនេះទេ។
ដោយឡែកនៅឆ្នាំ២០១៩ដដែលនោះ មន្ត្រីអគ្គនាយកដ្ឋានអន្តោប្រវេសន៍ និងក្រសួងការងារ និងបណ្ដុះបណ្ដាលវិជ្ជាជីវៈ បានចុះអធិការកិច្ចនៅតាមរោងចក្រ សហគ្រាសនានាចំនួនជាង៥០០០ពាន់គោលដៅ មានពលករបរទេសសរុបជាង៨,៣ម៉ឺននាក់។
ជាមួយគ្នាដែរ បានរកឃើញពលករបរទេសគ្មានបណ្ណការងារជាង៤០០០នាក់ ហើយធ្វើការផាកពិន័យបានជាង២ពាន់លានរៀល។
ទន្ទឹមនឹងនេះ កាលឆ្នាំ២០១៩ ពលករបរទេស បានដាក់ពាក្យសុំបណ្ណការងារជាង២០ម៉ឺននាក់ ដែលនាំឲ្យរដ្ឋប្រមូលចំណូលបានប្រមានជាង២០លានដុល្លារ។
សូមបញ្ជាក់ថា ចាប់ពីឆ្នាំ១៩៩៤ ដល់ ឆ្នាំ២០១៩ សរុបទុនវិនិយោគមានចំនួន២៩ពាន់លានដុល្លារ។ ចំណែកពលករបរទេសគ្មានបណ្ណការងារចាប់ឆ្នាំ២០១៤ ដល់២០១៩ មានចំនួន១.៥ម៉ឺននាក់៕
Tag:
សេដ្ឋកិច្ច
© រក្សាសិទ្ធិដោយ thmeythmey.com
