អន្តរជាតិ
ក្រុង វូហាន បញ្ចប់ការសាងសង់មន្ទីរពេទ្យថ្មីមួយ ហើយដាក់ពេទ្យទាហានចូលព្យាបាល
ប្រភពរូប៖ ប្រព័ន្ធផ្សព្វផ្សាយរដ្ឋចិន CCTV
×![]()
អាជ្ញាធរក្រុង វូហាន បានបញ្ចប់ការសាងសង់មន្ទីរពេទ្យដែលមាន១០០០គ្រែថ្មីមួយ ដើម្បីព្យាបាលអ្នកជំងឺកូរ៉ូណាវីរុស។ នេះបើតាមការចុះផ្សាយរបស់ប្រព័ន្ធផ្សព្វផ្សាយរដ្ឋចិន CCTV នៅថ្ងៃអាទិត្យ ២ ខែកុម្ភៈ។
អភិបាលក្រុង វូ ហាន លោក Zhou Xiangwang បានប្រគល់មន្ទីរពេទ្យថ្មីដែលមានឈ្មោះ Huoshenshan (ភ្នំព្រះអគ្គី) ទៅឲ្យក្រុមយោធាចិន កាលពីព្រឹកថ្ងៃអាទិត្យនេះ។ យោងតាមប្រព័ន្ធផ្សព្វផ្សាយរដ្ឋចិន CCTV ពេទ្យទាហានចំនួន ១៤០០នាក់ នឹងចាប់ផ្តើមបម្រើការក្នុងមន្ទីរពេទ្យថ្មីនេះ ចាប់ពីថ្ងៃចន្ទ ទី៣ កុម្ភៈតទៅ។
Aerial photos taken on Feb. 1, 2020 show the construction site of Huoshenshan (Fire God Mountain) Hospital in Wuhan, central China's Hubei Province. According to the plan, the construction of the hospital will be completed on Feb. 2. #Coronavirus pic.twitter.com/iHADAtEDwp
— CCTV (@CCTV) February 2, 2020
ប្រព័ន្ធផ្សព្វផ្សាយរដ្ឋចិននេះ បានរាយការណ៍កាលពីថ្ងៃ២៣ ខែមករា មកថា អាជ្ញាធរក្រុងវូហាន បានរៀបចំផែនការកសាងមន្ទីរពេទ្យថ្មី ដើម្បីសម្រួលដល់ការព្យាបាលជំងឺរាតត្បាតនេះ។ យោងតាមកាសែតរដ្ឋចិនមួយឈ្មោះថា Beijing News មន្ទីរពេទ្យនេះ គឺងាយស្រួលនិងឆាប់រហ័សក្នុងការសាងសង់ ហើយជាម៉ូឌែល ប្រអប់ (box-type) ដែលអាចសាងសង់ឡើងក្នុងពេលត្រឹម ៦ ថ្ងៃ។
ម្យ៉ាងទៀត មន្ទីរពេទ្យមួយទៀត ឈ្មោះថា Leishenshen កំពុងស្ថិតក្រោមការសាងសង់ ហើយគ្រោងនឹងបើកដំណើរការ នាថ្ងៃ៥ ខែកុម្ភៈខាងមុខនេះ។ បូកសរុបបញ្ចូលគ្នាទៅ មន្ទីរពេទ្យទាំងពីរនេះ នឹងផ្តល់គ្រែសម្រាកព្យាបាលចំនួន ២៦០០ គ្រែបន្ថែមសម្រាប់អ្នកជំងឺ អំឡុងពេលអាសន្ននេះ។
សូមបញ្ជាក់ថា នេះពុំមែនជាលើកទី១ឡើយដែលប្រទេសចិន បានសាងសង់មន្ទីរពេទ្យថ្មីមួយក្នុងរយៈពេលខ្លីនោះ។ អំឡុងការរីករាលដាលវីរុស SARS ២០០៣ មន្ទីរពេទ្យមួយឈ្មោះថា Xiaotangshan ដែលមានចំណុះ១០០០គ្រែ ត្រូវបានកសាងឡើង ក្នុងពេលត្រឹម ៦ថ្ងៃ និង ៧ យប់ប៉ុណ្ណោះ ក្នុងទីក្រុង ប៉េកាំង៕
© រក្សាសិទ្ធិដោយ thmeythmey.com
