អន្តរជាតិ
កូរ៉ូណាវីរុស៖ ក្មេងពិការម្នាក់ស្លាប់ ព្រោះគ្មានអ្នកថែ ក្រោយឪពុកចូលក្នុងមណ្ឌលចត្តាឡីស័ក
×![]()
ដោយ: រួបរួម
Yan Cheng អាយុ១៦ឆ្នាំ បានបាត់បង់ជីវិតកាលពីថ្ងៃពុធកន្លងមក ពោលគឺមួយសប្តាហ៍ក្រោយពីឪពុក និងបងប្រុសរបស់ខ្លួន ត្រូវបានបញ្ជូនទៅមណ្ឌលចត្តាឡីស័ក ឬកន្លែងដាក់នៅដាច់ដោយឡែកនៅខេត្ត Hubei លើករណីសង្ស័យមានជំងឺរលាកសួតបង្កដោយមេរោគកូរ៉ូណាប្រភេទថ្មី (2019-NoCv)។
កុមារ Yang Cheng មិនបានស្លាប់ដោយសារកូរ៉ូណាវីរុសនោះឡើយ ប៉ុន្តែដោយសារតែការញ៉ាំអាហារមិនបានគ្រប់គ្រាន់។ បើតាមការផ្សាយរបស់ BBC កុមារពិការខួរក្បាលរូបនោះ មិនត្រូវបានផ្គត់ផ្គង់អាហារឲ្យបានដិតដល់នោះឡើយ។ ករណីនេះ នាំឲ្យមន្ត្រីបក្សកុំម្មុយនីស្តប្រចាំតំបន់ និងអភិបាលក្រុង Huajiahe ត្រូវបានបណ្តេញចេញពីតំណែង។
រឿងរ៉ាវរបស់ Yang Cheng ត្រូវចែកចាយពេញបណ្តាញសង្គម។ កន្លងមក ឪពុកកុមាររូបនេះ ក៏ធ្លាប់បង្ហោះសារលើបណ្តាញសង្គម Weibo ផងដែរ ដើម្បីសុំការយកចិត្តទុកពីសាធារណជនចំពោះកូនប្រុសរបស់ខ្លួន ដែលត្រូវការអាហារ និងទឹកជាប្រចាំ ដោយសារតែគេគ្មានអ្នកណាថែទាំផ្សេងទៀតនោះឡើយ។
អាជ្ញាធរខេត្ត បានប្រកាសបើកការស៊ើបអង្កេតបន្ថែមទៀតជុំវិញករណីបាត់បង់ជីវិតរបស់ Yang Cheng៕
Tag:
កូរ៉ូណាវីរុស
© រក្សាសិទ្ធិដោយ thmeythmey.com
