ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
វ័យកាន់តែចាស់សុខភាពរាងកាយក៏ដូចជាខួរក្បាលនិងការចងចាំមនុស្សភាគច្រើនក៏ថយចុះតាមនោះដែរ។ទោះជាយ៉ាងណាកុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលមនុស្សចាស់គួរព្យាយាមទទួលទានដើម្បីពង្រឹងសុខភាពខួរក្បាលបង្កើនការចងចាំ ៖
១. ត្រីសាលម៉ុន
ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ ដែលចាំបាច់សម្រាប់សុខភាពខួរក្បាលនិងសមត្ថភាពនៃការចងចាំដោយការពារខួរក្បាលពីការរលាកទប់ស្កាត់ការខូចខាតកោសិកាសុខភាពល្អ។ ក្រៅពីសាលម៉ុន ត្រីសម្បូរខ្លាញ់ផ្សេងទៀតក៏មានផ្ទុកអាស៊ីតខ្លាញ់អូមេហ្កា ៣ ផងដែរ។
២. គ្រាប់ធញ្ញជាតិ
គ្រាប់ធញ្ញជាតិជាអាហារសម្រន់ល្អបំផុតមួយសម្រាប់ខួរក្បាលដោយវាក៏ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣។ ទោះជាយ៉ាងណាកុំទទួលទានលើសពីមួយក្ដាប់ដៃក្នុងមួយថ្ងៃ។
៣. ផ្លែបឺរី
ជាប្រភពដ៏ប្រសើរនៃសារធាតុប្រឆាំងអុកស៊ីតកម្មដែលមានប្រសិទ្ធភាពពង្រឹងសុខភាពខួរក្បាលបង្កើនការចងចាំ។
៤. បន្លែបៃតង
ក្រៅពីផ្លែឈើហើយនោះមនុស្សចាស់ក៏គួរព្យាយាមទទួលទានបន្លែផងដែរដើម្បីរក្សាការចងចាំល្អប្រសើរ។ បន្លែបៃតងជាប្រភពដ៏ល្អបំផុតនៃវីតាមីនចាំបាច់ ជាតិរ៉ែសំខាន់ៗ សារធាតុប្រឆាំងអុកស៊ីតកម្ម និងជាតិសសៃដែលមិនត្រឹមតែល្អសម្រាប់សុខភាពខួរក្បាលប៉ុណ្ណោះទេ ប៉ុន្តែចំពោះរាងកាយទាំងមូលតែម្ដង។
៥. តែបៃតង
ការទទួលទានតែបៃតងជាប្រចាំក៏ល្អសម្រាប់មនុស្សចាស់ផងដែរ។ សារធាតុប្រឆាំងអុកស៊ីតកម្មផ្សេងៗដែលមានផ្ទុកក្នុងតែបៃងជួយកម្ចាត់រ៉ាឌីកាល់សេរីដែលបំផ្លាញកោសិកា។ មនុស្សចាស់ក៏អាចកាត់បន្ថយការទទួលទានកាហ្វេដែលមានផ្ទុកជាតិកាហ្វេអ៊ីនខ្ពស់ដោយព្យាយាមទទួលទានតែបៃតងជំនួសវិញ។
៦. ផ្លែបឺរ
ផ្លែឈើនេះមានផ្ទុកសម្បូរទៅដោយវីតាមីន E និងខ្លាញ់ល្អ monounsaturated fat ដែលចាំបាច់សម្រាប់រក្សាសុខភាពខួរក្បាលល្អប្រសើរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
