Stamp Fairtex មើលឃើញឧបសគ្គមុនតទល់ជាមួយម្ចាស់ខ្សែក្រវាត់ Angela Lee
05, Feb 2020 , 10:39 pm
រូបភាព
×
ដោយ៖ ស៊ីធី
ជ័យជម្នះរបស់កីឡាការិនី Stamp Fairtex នៅក្នុងកម្មវិធី ONE: A NEW TOMORROW ធ្វើឲ្យនាងកាន់តែខិតជិតទៅដណ្ដើមខ្សែក្រវាត់កម្រិតពិភពលោក World Title ឆាប់ៗខាងមុខ។ ប៉ុន្តែ Stamp បានសារភាពថានៅមានឧបសគ្គ និងមិនទាន់រួចរាល់នោះទេ។
កីឡាការិនីរូបនេះចង់ត្រលប់មកប្រកួត ONE Super Series ក៏ដូចជាការប្រកួតគុនចម្រុះឲ្យបានច្រើនតាមតែអាចធ្វើទៅបានផងដែរ។ កីឡាការិនី ថៃត្រូវតែយកបទពិសោធន៍ឲ្យច្រើនមុនពេល ប៉ះម្ចាស់ខ្សែក្រវាត់ ពិភពលោក Angela Lee ឬ «Unstoppable»។
«ឆ្នាំនេះ ខ្ញុំគ្រោងការពារខ្សែក្រវាត់ពីររបស់ខ្ញុំទាំង Muay Thai និង kickboxing World Titles។ ក្នុងនាមកីឡាករគុនចម្រុះ ខ្ញុំចង់អភិវឌ្ឍជំនាញ ខ្ញុំឲ្យច្រើន។ ព្រោះខ្ញុំនៅមានការប្រកួតតិចនៅឡើយ។ ខ្ញុំនៅតែគិតថាខ្ញុំខ្លាំងខាងវ៉ៃឈរពេលជួប Angela Lee ប៉ុន្តែការប្រកួតនៅក្តាររេញរបស់ខ្ញុំមិនទាន់ល្អនោះទេ។ ខ្ញុំហាត់ឲ្យល្អជាងនេះទាំងការពារខ្លួន និង ការទប់ជំហរប្រកួតដេកលើកក្ដាររេញ»។
Stamp បានត្រលប់ទៅហ្វឹកហាត់នៅក្លិប Fairtex នាក្រុង Pattaya វិញហើយ បន្ទាប់ពីឡើងប្រកួតជាមួយសង្សារ Rodtang “The Iron Man” Jitmuangnon ក្នុងពេលតែមួយកាលដើមខែមករា។