ជាតិ
សង្គមជាតិ
ក្រសួងសុខាភិបាល ឲ្យគ្រប់ម្ចាស់ហាងថែសម្ផស្ស ទៅសុំច្បាប់ មុនដំណើរការ អ្នកស្រី ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាល
× ក្រសួងសុខាភិបាល ប្រាប់ម្ចាស់មជ្ឈមណ្ឌលកែសម្ផស្ស និង ម្ចាស់មជ្ឈមណ្ឌលថែរក្សាសម្ផស្សទាំងអស់ ដែលកំពុងដំណើរដោយមិនទាន់មានច្បាប់ ឬក៏មានបំណងចង់បើក ឲ្យទាក់ទងទៅក្រសួងសុខាភិបាល ដើម្បីទទួលបានច្បាប់អនុញ្ញាតត្រឹមត្រូវ។ ក្រសួងសុខាភិបាល បានចេញសេចក្តីជូនព័ត៌មាននេះ តាំងពីថ្ងៃទី៣១ ខែមករា ឆ្នាំ២០២០ ដោយអ្នកស្រីវេជ្ជបណ្ឌិត ឱ វណ្ណឌីន ជាអ្នកនាំពាក្យ ចុះហត្ថលេខាជំនួសលោករដ្ឋមន្ត្រី ម៉ម ប៊ុនហេង។
ក្រសួងសុខាភិបាល ព្រមានដូច្នេះថា៖«ក្នុងករណី លោក លោកស្រី ជាម្ចាស់មជ្ឈមណ្ឌលកែសម្ផស្ស និងថែរក្សាសម្ផស្សណា មិនគោរព និងមិនអនុវត្តសេចក្តីជូនព័ត៌មាននេះ ក្រសួងសុខាភិបាល នឹងមានវិធានការរឹងរ៉ឹងទៅតាមច្បាប់ និងលិខិតបទដ្ឋានគតិយុត្តិ ដែលមានជាធរមាន»។
ក្រសួង បញ្ជាក់ថា ការចេញវិធានការនេះ គឺដើម្បីពង្រឹងការអនុវត្តឲ្យស្របតាមបទដ្ឋានបច្ចេកទេស ដែលធានាបាននូវសុវត្ថិភាព គុណភាព និង ប្រសិទ្ធភាព ក្នុងការផ្តល់សេវាកែសម្ផស្ស និង ថែរក្សាសម្ផស្សដល់អតិថិជន។ ក្រសួងសុខាភិបាល សង្កេតឃើញមានមជ្ឈមណ្ឌលកែសម្ផស្ស និងមជ្ឈមណ្ឌលថែរក្សាសម្ផស្សមួយចំនួន កំពុងដំណើរការដោយពុំមានច្បាប់អនុញ្ញាត៕
Tag:
មជ្ឈមណ្ឌលថែសម្ផស្ស
© រក្សាសិទ្ធិដោយ thmeythmey.com