ជាតិ
សង្គមជាតិ
ព្រឹកថ្ងៃទី១១កុម្ភៈ អាជ្ញាធរបិទកំណាត់ផ្លូវជាតិលេខ២ ពីរង្វង់មូលកួរស្រូវ ដល់ព្រំប្រទល់ខេត្តកណ្ដាល រូបភាពពីហ្វេសប៊ុកលោក Touch Yinmony
×
ភ្នំពេញ៖ កំណាត់ផ្លូវជាតិលេខ២ ពីចំណុចរង្វង់មូលកួរស្រូវ ដល់ព្រំប្រទល់ខេត្តកណ្ដាល នឹងបិទចរាចរណ៍បណ្តោះអាសន្ន នៅថ្ងៃទី១១ ខែកុម្ភៈ ដើម្បីសម្រួលដល់ពិធីបើកការដ្ឋានគម្រោងធ្វើឲ្យប្រសើរឡើងវិញកំណាត់ផ្លូវជាតិលេខ២ និងផ្លូវជាតិលេខ២២។ នេះបើតាមសេចក្ដីជូនដំណឹងរបស់រដ្ឋបាលរាជធានីភ្នំពេញ ចុះថ្ងៃទី៧កុម្ភៈ ដែលបានបញ្ជាក់ទៀតថាពិធីនេះ មានការអញ្ជើញចូលរួម ពីសម្ដេច ហ៊ុន សែន នាយករដ្ឋមន្ត្រីកម្ពុជា។
តាមសេចក្ដីជូនដំណឹងដដែល អាជ្ញាធរនឹងឲ្យចរាចរណ៍ជាធម្មតាវិញ នៅពេលចប់ពិធី។ សូមបញ្ជាក់ថា គម្រោងធ្វើឲ្យប្រសើរឡើងវិញកំណាត់ផ្លូវជាតិលេខ២ និងផ្លូវជាតិលេខ ២២ ប្រវែង ៧២, ១៧គីឡូម៉ែត្រ ពីរង្វង់មូលតាខ្មៅ អូរចំបក់ និងទៅដល់អង្គតាសោម (ខេត្តតាកែវ) ជាហិរញ្ញប្បទានពីសាធារណរដ្ឋកូរ៉េ៕
Tag:
បិទផ្លូវ
បើកការដ្ឋាន
រដ្ឋបាលរាជធានីភ្នំពេញ
© រក្សាសិទ្ធិដោយ thmeythmey.com