ជាតិ
ពីនេះ ពីនោះ
ត្រីកញ្ជនជ័យ ក៏ស្ថិតនៅក្នុងអម្បូរជាមួយ ត្រីក្សាន, ត្រីរ៉ស់ ឬត្រីផ្ទក់, ត្រីអំបូង និង ត្រីដៀប ឬត្រីឆ្តោដែរ ត្រីកញ្ជនជ័យ។ រូបភាព៖ សៀវភៅមគ្គុទ្ទេសក៍ ស្តីពីប្រភេទត្រីរស់នៅក្នុងដែនទឹកសាប នៃប្រទេសកម្ពុជា
× គម្រោងអច្ឆរិយភាពនៃទន្លេមេគង្គ (Wonders of the Mekong) សូមដកស្រង់ត្រីមានស្រកាមួយប្រភេទចេញពីប្រភព៖ មគ្គុទ្ទេសក៍ ស្តីពីប្រភេទត្រីរស់នៅក្នុងដែនទឹកសាប នៃប្រទេសកម្ពុជា, fishbase.org និង iucnredlist.org ដែលមានរស់នៅក្នុងទ្វីបអាស៊ីដូចជា ក្នុងប្រទេសកម្ពុជា ឥណ្ឌូណេស៊ី (ចាវ៉ា, ស៊ូម៉ាត្រាត្រា, កាលីម៉ានតាតាន, ស៊ូឡាវ៉ាសាស៊ី); ឡាវ; ម៉ាឡេស៊ី (សាបា, ឧបទ្វីបម៉ាឡេស៊ី, សារ៉ាវ៉ាក់); ថៃ និងវៀតណាម។
ត្រីកញ្ជនជ័យ មានឈ្មោះវិទ្យាសាស្ត្រ (Channa lucius) មានស្តង់ដាប្រវែងដងខ្លួនអតិបរមា ៣០ ស.ម រស់នៅក្នុងទីជម្រក ស្ទឹង និងទន្លេដែលមានចរន្តទឹកហូរតិចៗ ព្រមទាំងបឹង ស្រះ និងវាលភក់។ ភាគច្រើនមានរស់នៅក្នុងស្ទឹងដែលមានរុក្ខជាតិទឹក។ ជារឿយៗ ឃើញមានរស់នៅក្នុងតំបន់ដែលមានដុះវារិជាតិចម្រុះ ព្រមទាំងដើមឈើធំៗដុះក្នុងទឹកផងដែរ។ ត្រីកញ្ជនជ័យ ក៏ស្ថិតនៅក្នុងអម្បូរជាមួយ ត្រីក្សាន, ត្រីរ៉ស់ ឬត្រីផ្ទក់, ត្រីអំបូង និង ត្រីដៀប ឬត្រីឆ្តោដែរ វាស៊ីត្រី បង្កង ក្តាម និងកំពឹសជាអាហារ។
លក្ខណៈសម្គាល់៖
ទ្រនុងព្រុយខ្នងទន់ មានចំនួន ៣៧-៤១ ទ្រនុង។ ទ្រនុងព្រុយគូទ មានចំនួន ២៥-៣០ ទ្រនុង។ នៅចន្លោះភ្នែក និងស្រកីមានស្រកាចំនួន ១០-១៣ ស្រកី។ ស្រកានៅលើខ្សែឆ្នូតចំហៀងខ្លួនមានចំនួន ៥៨-៦៥។ ក្បាល និងខ្លួន មានឆ្នូតធំពីរចេញពីក្តោងច្រមុះ រហូតដល់ពាក់កណ្តាលព្រុយកន្ទុយ មួយនៅផ្នែកខាងលើនៃដងខ្លួន និងមួយទៀតនៅផ្នែកខាងក្រោមនៃដងខ្លួនដោយបែកខ្នែងពី ៥-៩ ពេលពេញវ័យ។ នៅផ្នែកពោះ មានឆ្នូតបញ្ឆិត។
បញ្ហាប្រឈមចំពោះត្រីប្រភេទនេះ មានដូចជា៖ ទន្លេជាច្រើនដែលត្រីប្រភេទនេះរស់នៅ ត្រូវបានរងផលប៉ះពាល់ដោយសារការបំពុលពី កសិកម្ម ទីក្រុង និងឧស្សាហកម្ម ព្រមទាំងការរិចរិលទីជម្រកដែលកើតឡើងពីការអភិវឌ្ឍទីក្រុង និងកំណកភក់ល្បាប់ផងដែរ។ ផលប៉ះពាល់ជាក់លាក់ចំពោះត្រីកញ្ជនជ័យ មិនត្រូវបានគេដឹងឡើយ។ ដូច្នេះ យើងត្រូវការព័ត៌មានបន្ថែមទៅអំពីផលប៉ះពាល់លើវិស័យជលផល និងកំណកំណើតរបស់វា។
© រក្សាសិទ្ធិដោយ thmeythmey.com