ជាតិ
អត្ថបទពាណិជ្ជកម្ម
ព្រឹត្តិការណ៍រត់ម៉ារ៉ាតុងនៅមុខប្រាសាទអង្គរវត្ត ដែលរៀបចំដោយគ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត ទទួលបានការសរសើរពីសាធារណជន ព្រោះគ្មានការចោលសំរាម
× កាលពីថ្ងៃសៅរ៍ ទី៨ ខែកុម្ភៈ ឆ្នាំ២០២០ កន្លងទៅនេះ គេឃើញមានការរៀបចំកម្មវិធីរត់ប្រណាំងម៉ារ៉ាតុងក្នុងរយៈចំងាយខ្លីមួយដែលទីតាំងចាប់ផ្តើមចេញពីទីលានជល់ដំរី រហូតដល់មុខប្រាសាទអង្គរវត្ត។ កម្មវិធីនេះ មានអ្នកចូលរួមប្រមាណជាង៣០០នាក់ ដោយកីឡាករ កីឡាការនីភាគច្រើន ជាបុគ្គលិករបស់គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត រួមមានគណៈគ្រប់គ្រងជាន់ខ្ពស់ ថ្នាក់គ្រប់គ្រង និងបុគ្គលិកមកពីគ្រប់បណ្តារាជធានី ខេត្ត/ក្រុង នៃព្រះរាជាណាចក្រកម្ពុជា។
នៅក្នុងព្រឹត្តិការណ៍នេះដែរ ក៏មានការចែកជូនទឹកបរិសុទ្ធ សម្រាប់អ្នកចូលរួម ព្រមទាំងការរៀបចំអាហារសម្រន់ជាមួយកាហ្វេជាដើម នៅទីតាំងមាត់ត្រពាំងសេះខាងជើង (មុខប្រាសាទអង្គរវត្ត)។ ប៉ុន្តែអ្វីដែលគួរឲ្យកត់សម្គាល់នោះ គឺគេសង្កេតឃើញថាក្នុងព្រឹត្តិការណ៍មួយនេះ មិនមានការចោលសំរាមណាមួយ ដែលគ្មានសណ្តាប់ធ្នាប់នៅទីសាធារណៈនោះទេ គិតចាប់ពីទីតាំងផ្តើមរត់ រហូតដល់គោលដៅចុងក្រោយ ព្រមទាំងទីតាំងរៀបចំអាហារសម្រន់ផងដែរ។ ទង្វើបែបនេះ មិនត្រឹមតែជាគំរូដ៏ល្អមួយ ក្នុងការថែរក្សារបរិស្ថាន និងសណ្តាប់ធ្នាប់សាធារណៈនោះទេ ថែមទាំងទទួលបាននូវការកោតសរសើរ ពីសំណាក់ប្រជាពលរដ្ឋក្នុងតំបន់ និងភ្ញៀវទេសចរទៀតផង។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com