អន្តរជាតិ
រដ្ឋមន្ត្រីសុខាភិបាលថៃ មិនជឿសម្តីប្រធាន WHO ថាអ្នកដំណើរលើនាវា Westerdam សុខភាពល្អ
(ឆ្វេង) លោករដ្ឋមន្ត្រីសុខភាពសាធារណៈថៃ Anutin Charnvirakul, (ស្តាំ) ប្រមុខអង្គការសុខភាពពិភពលោក, (រូបក្រោយ) នាវា Westerdam ថតពេលចូលដែនសមុទ្រកម្ពុជា នៅក្រុងព្រះសីហនុ (AFP)
×![]()
រដ្ឋមន្ត្រីសុខភាពសាធារណៈថៃ លោក Anutin Charnvirakul បានបង្ហើបឲ្យដឹងថា អគ្គនាយកអង្គការសុខភាពពិភពលោក (WHO) បានហៅទូរសព្ទមកលោកនៅយប់ថ្ងៃអង្គារ ទី១១ ខែកុម្ភៈ ដោយនិយាយថា រាល់អ្នកដំណើរលើនាវា Westerdam មានសុខភាពល្អប្រសើរ ហើយសុំឲ្យថៃទទួលខុសត្រូវមើលថែពួកគេ។ ក៏ប៉ុន្តែ លោក អះអាងប្រាប់ទៅវិញថា លោក ពុំជឿទុកចិត្តលើការអះអាងនេះឡើយ ព្រោះថាប្រមុខអង្គការអន្តរជាតិនេះ ពុំបានស្ថិតនៅលើនាវាទេសចរណ៍នោះ។ 
តាមការចុះផ្សាយរបស់កាសែត បាងកកប៉ុស្តិ៍ លោករដ្ឋមន្ត្រីថៃ Anutin Charnvirakul អះអាងទៀតថា លោកមិនមានទំនុកចិត្តថា ក្រុមវេជ្ជសាស្ត្រលើនាវាទេសចរណ៍នោះ មានសមត្ថភាពគ្រប់គ្រាន់ដើម្បីធ្វើតេស្តបញ្ជាក់ថាតើអ្នកដំណើរ មានឬ គ្មានឆ្លងវីរុសដែលសម្លាប់មនុស្សជាង១ពាន់នាក់នេះ។
លោក Anutin សង្កត់ធ្ងន់ថា ទោះបីជាអាជ្ញាធរមកពីប្រទេសជាច្រើន ក៏បានអះអាងថា នាវានេះ មានសុវត្ថិភាព វានៅតែគ្មានព័ត៌មានគ្រប់គ្រាន់ ហើយបរាជ័យក្នុងការផ្លាស់ប្តូរការសម្រេចចិត្តរបស់រដ្ឋាភិបាលថៃ។ តាមបាងកកប៉ុស្តិ៍ លោករដ្ឋមន្ត្រី លើកឡើងថា៖«ថៃក៏មិនមែនជាទិសដៅគ្រោងទុកសម្រាប់ផ្លូវនាវានេះផងដែរ។ ហេតុអ្វីថៃត្រូវទប់ទល់នឹងសម្ពាធនេះ? យើងត្រូវគិតថា ហេតុអ្វីបានប្រទេសដទៃបដិសេធនាវានេះ»។
នាវាទេសចរណ៍ផ្ទុកមនុស្សជាង២ពាន់នាក់មួយឈ្មោះថា Westerdam ត្រូវបានបដិសេធដោយប្រទេស និងកោះចំនួន៥ មុនពេលនឹងទទួលបានអនុញ្ញាតឲ្យចូលចតពីថ្ងៃ១២ ខែកុម្ភៈ ក្នុងប្រទេសកម្ពុជា ។ ទាក់ទិននឹងសកម្មភាពនេះ ប្រមុខរដ្ឋាភិបាលកម្ពុជា សម្តេច ហ៊ុន សែន បានអះអាងថា ការអនុញ្ញាតនេះ ធ្វើឡើងដោយឈរលើហេតុផលមនុស្សធម៌។
ចាប់តាំងពីចាកចេញពីកំពង់ផែក្រុងហុងកុងកាលពីថ្ងៃ១ ខែកុម្ភៈមក នាវាទេសចរណ៍នេះ ត្រូវបានបដិសេធដោយជប៉ុន តៃវ៉ាន់ ហ្វីលីពីន ហ្កាម និងថៃ ដោយព្រួយបារម្ភថា អ្នកដំណើរខ្លះដែលជិះលើនាវានេះ ប្រហែលឆ្លងកូរ៉ូណាវីរុសប្រភេទថ្មី (COVID-19) ។ ទោះជាបែបនេះក្តី ក្រុមហ៊ុនម្ចាស់នាវាទេសចរណ៍ Westerdam នេះ បានបញ្ជាក់ក្នុងសេចក្តីប្រកាសព័ត៌មានខ្លួនថា អ្នកដំណើរលើនាវាទាំងអស់មានសុខភាពល្អ ហើយអ្នកដំណើរដែលជិះលើនាវានេះ ស្ថិតក្រោមការត្រួតពិនិត្យសុខភាពជាទៀងទាត់ផង។ ។
នាវាទេសចរណ៍ MS Westerdam របស់ក្រុមហ៊ុន Holland America បានមកកំពង់ផែស្វយ័តក្រុងព្រះសីហនុ នាព្រឹកថ្ងៃព្រហស្បតិ៍ ទី១៣ ខែកុម្ភៈ នេះ ក្រោយទទួលបានភ្លើងបៃតងពីរដ្ឋាភិបាលកម្ពុជា៕
អត្ថបទទាក់ទង
តាមការចុះផ្សាយរបស់កាសែត បាងកកប៉ុស្តិ៍ លោករដ្ឋមន្ត្រីថៃ Anutin Charnvirakul អះអាងទៀតថា លោកមិនមានទំនុកចិត្តថា ក្រុមវេជ្ជសាស្ត្រលើនាវាទេសចរណ៍នោះ មានសមត្ថភាពគ្រប់គ្រាន់ដើម្បីធ្វើតេស្តបញ្ជាក់ថាតើអ្នកដំណើរ មានឬ គ្មានឆ្លងវីរុសដែលសម្លាប់មនុស្សជាង១ពាន់នាក់នេះ។
លោក Anutin សង្កត់ធ្ងន់ថា ទោះបីជាអាជ្ញាធរមកពីប្រទេសជាច្រើន ក៏បានអះអាងថា នាវានេះ មានសុវត្ថិភាព វានៅតែគ្មានព័ត៌មានគ្រប់គ្រាន់ ហើយបរាជ័យក្នុងការផ្លាស់ប្តូរការសម្រេចចិត្តរបស់រដ្ឋាភិបាលថៃ។ តាមបាងកកប៉ុស្តិ៍ លោករដ្ឋមន្ត្រី លើកឡើងថា៖«ថៃក៏មិនមែនជាទិសដៅគ្រោងទុកសម្រាប់ផ្លូវនាវានេះផងដែរ។ ហេតុអ្វីថៃត្រូវទប់ទល់នឹងសម្ពាធនេះ? យើងត្រូវគិតថា ហេតុអ្វីបានប្រទេសដទៃបដិសេធនាវានេះ»។
នាវាទេសចរណ៍ផ្ទុកមនុស្សជាង២ពាន់នាក់មួយឈ្មោះថា Westerdam ត្រូវបានបដិសេធដោយប្រទេស និងកោះចំនួន៥ មុនពេលនឹងទទួលបានអនុញ្ញាតឲ្យចូលចតពីថ្ងៃ១២ ខែកុម្ភៈ ក្នុងប្រទេសកម្ពុជា ។ ទាក់ទិននឹងសកម្មភាពនេះ ប្រមុខរដ្ឋាភិបាលកម្ពុជា សម្តេច ហ៊ុន សែន បានអះអាងថា ការអនុញ្ញាតនេះ ធ្វើឡើងដោយឈរលើហេតុផលមនុស្សធម៌។
ចាប់តាំងពីចាកចេញពីកំពង់ផែក្រុងហុងកុងកាលពីថ្ងៃ១ ខែកុម្ភៈមក នាវាទេសចរណ៍នេះ ត្រូវបានបដិសេធដោយជប៉ុន តៃវ៉ាន់ ហ្វីលីពីន ហ្កាម និងថៃ ដោយព្រួយបារម្ភថា អ្នកដំណើរខ្លះដែលជិះលើនាវានេះ ប្រហែលឆ្លងកូរ៉ូណាវីរុសប្រភេទថ្មី (COVID-19) ។ ទោះជាបែបនេះក្តី ក្រុមហ៊ុនម្ចាស់នាវាទេសចរណ៍ Westerdam នេះ បានបញ្ជាក់ក្នុងសេចក្តីប្រកាសព័ត៌មានខ្លួនថា អ្នកដំណើរលើនាវាទាំងអស់មានសុខភាពល្អ ហើយអ្នកដំណើរដែលជិះលើនាវានេះ ស្ថិតក្រោមការត្រួតពិនិត្យសុខភាពជាទៀងទាត់ផង។ ។
នាវាទេសចរណ៍ MS Westerdam របស់ក្រុមហ៊ុន Holland America បានមកកំពង់ផែស្វយ័តក្រុងព្រះសីហនុ នាព្រឹកថ្ងៃព្រហស្បតិ៍ ទី១៣ ខែកុម្ភៈ នេះ ក្រោយទទួលបានភ្លើងបៃតងពីរដ្ឋាភិបាលកម្ពុជា៕
Tag:
ថៃ
WHO
នាវា Westerdam
កូរ៉ូណាវីរុស
COVID19
© រក្សាសិទ្ធិដោយ thmeythmey.com
