ជាតិ
លោក ទៀ សីហា ក្នុងកិច្ចប្រជុំពាក់ព័ន្ធវិស័យទេសចរណ៍នៅថ្ងៃទី១០ កុម្ភៈ ឆ្នាំ២០២០។ រូបភាព៖ រដ្ឋបាលខេត្តសៀមរាប
×![]()
សៀមរាប៖ អភិបាលខេត្តសៀមរាប ហាក់មិនពេញចិត្តទាល់តែសោះចំពោះសារព័ត៌មានដែលតែងចុះផ្សាយពីបញ្ហាសំរាមក្នុងក្រុងសៀមរាប និងបន្ទោសអាជ្ញាធរថាមិនបានអើពើ។ លោក ទៀ សីហា ពន្យល់ថា ក្រុមមន្ត្រីរបស់លោកបានធ្វើការងារជាច្រើនដើម្បីប្រមូលសំរាម និងសម្អាតបរិស្ថានក្នុងក្រុងសៀមរាប តែទប់មិនឈ្នះអ្នកចោល។ ចំណុចនេះ លោកសុំអ្នកសារព័ត៌មានជួយសហការថតរូបអ្នកបោះចោលសំរាមនោះផង កុំថតតែរូបភាពសំរាម។
ក្នុងកិច្ចប្រជុំជាមួយវិស័យឯកជនក្នុងវិស័យទេសចរណ៍នៅរសៀលថ្ងៃទី១០ កុម្ភៈ លោក ទៀ សីហា បាននិយាយយ៉ាងដូច្នេះថា៖« ខ្ញុំសូមអំពាវនាវ សូមមេត្ដាជួយសហការគ្នាក្នុងការផ្សព្វផ្សាយ សាមគ្គីគ្នាជួយជំរុញផ្សព្វផ្សាយឱ្យទេសចរណ៍សៀមរាបបានកើនឡើងតាមរយៈការនិយាយចំណុចល្អពីសៀមរាបនេះ ជាពិសេសអ្នកសារព័ត៌មានសុំថា តូចតាចទេសុំជួយថតអ្នកដែលចោលសំរាមផង កុំថតតែសំរាម ដែលពោរពេញក្នុងប្រជុំជន ឬតំបន់ទេសចរណ៍ តើសំរាមដែលរ៉ាយប៉ាយ តើអ្នកខុសជាអ្នកណាគេ? ហើយមួយៗតែងបន្ទោសអាជ្ញាធរខេត្ត និងអប្សរា យើងសម្អាតណាស់ សម្អាតរាល់ថ្ងៃ តែអ្នកចោលនៅតែចោល ឥឡូវសុំទៅ ទៅថតអ្នកចោលម្ដងទៅ ឱ្យដឹងមើល៍ ពីណាខុសពីណាត្រូវ...»។
សូមស្ដាប់ប្រសាសន៍របស់លោក ទៀ សីហា ដូចតទៅ៖
Tag:
សំរាម
បរិស្ថាន
© រក្សាសិទ្ធិដោយ thmeythmey.com
