ជាតិ
ពងអណ្ដើកហ្លួង៥១ ត្រូវបានរកឃើញ ក្រោយបញ្ឈប់ការបូមខ្សាច់នៅព្រែកស្រែអំបិល
រូបពីអង្គការ wcs
×![]()
ដោយ: ផាត ដាណេ
ភ្នំពេញ៖ ក្រោយពីមានការចេញសេចក្ដីប្រកាសពីក្រសួង ឲ្យបញ្ឈប់រាល់សកម្មភាពបូមខ្សាច់ ដាក់ប្រព័ន្ធព្រែកស្រែអំបិល ក្រុមអ្នកអភិរក្សមកពីសហគមន៍មូលដ្ឋាន និងអង្គការអភិរក្សសត្វព្រៃ (WCS) បានរកឃើញសំបុកអណ្ដើកហ្លួងចំនួន៣ មានពងចំនួន៥១ពង ដែលគិតត្រឹមខែមករា ឆ្នាំ២០២០នេះ។
សេចក្ដីប្រកាសព័ត៌មានរបស់ WCS បានឲ្យដឹងថា ចំនួនសំបុកអណ្ដើកនេះមានការកើនឡើង បើធៀបទៅរយៈពេល៤ឆ្នាំកន្លងទៅដែលមានត្រឹមតែ១សំបុកប៉ុណ្ណោះក្នុង១ឆ្នាំ។ លោក កែន សេរីរដ្ឋា នាយកអង្គការ WCS បាននិយាយថា៖«ប្រព័ន្ធព្រែកស្រែអំបិលគឺពិតជាមានសារសំខាន់ណាស់ សម្រាប់ការរស់រានរបស់អណ្ដើកហ្លួង ហើយប្រព័ន្ធព្រែកនេះមានតំបន់ឆ្នេរខ្សាច់ ព្រៃលិចទឹក ព្រៃកោងកាងដែលជាកន្លែងសម្រាប់សត្វអណ្ដើករកចំណី និងបន្តពូជ»។
រូបពីអង្គការ wcs
លោក អ៊ុក វិបុល ប្រធាននាយកដ្ឋានអភិរក្សជលផល លើកឡើងដូច្នេះថា៖«ការប្រកាសស្ដីពីការដាក់ប្រព័ន្ធព្រែកស្រែអំបិលជាតំបន់គ្រប់គ្រង និងអភិរក្សអណ្ដើកហ្លួង និងក្រពើត្រីនេះ មិនអនុញ្ញាតឲ្យមានការនេសាទខុសច្បាប់ និងជាពិសេសសកម្មភាពបូមខ្សាច់នានានៅតាមប្រព័ន្ធព្រែកស្រែអំបិលមានដូចជាព្រែកកំពង់សោម ព្រែកក្អោង និងព្រែកកំពង់លើជាដើម»។
សូមបញ្ជាក់ថា អណ្ដើកហ្លួង ត្រូវបានចាត់ចំណាត់ថា្នក់ជាប្រភេទសត្វកំពុងទទួលរងគ្រោះ និងជិតផុតពូជបំផុត។ ហើយអណ្ដើកហ្លួង ក៏ស្ថិតក្នុងចំណោមអណ្ដើកទាំង២៥ប្រភេទដែលកំពុងរងគ្រោះថ្នាក់ខ្លាំងជាងគេនៅលើពិភពលោក។ អណ្ដើកហ្លួង ក៏ត្រូវបានដាក់ជាឧរង្គសត្វ តំណាងឲ្យប្រទេសកម្ពុជាផងដែរ៕
Tag:
ពងអណ្ដើក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
