អន្តរជាតិ
បុគ្គលិកវេជ្ជសាស្ត្រម្នាក់នៅថៃ បានឆ្លង COVID-19 ពីអ្នកជំងឺ អ្នកដំណើរនៅអាកាសយានដ្ឋានសុវណ្ណភូមិ។ រូបថត ប៉ាន់ បូនី
× ករណីឆ្លងថ្មីមួយទៀតនៃជំងឺរលាកសួតបង្កដោយមេរោគកូរ៉ូណាប្រភេទថ្មី COVID-19 ត្រូវបានរកឃើញនៅប្រទេសថៃ នាថ្ងៃសុក្រ ១៤ ខែកុម្ភៈ ដែលធ្វើតួលេខអ្នកជំងឺសរុបប្រទេសជិតខាងកម្ពុជាមួយនេះឡើងដល់ ៣៤នាក់ហើយ។
ករណីថ្មីនេះ គឺកើតលើស្ត្រីថៃជាបុគ្គលិកវេជ្ជសាស្ត្រអាយុ ៣៥ឆ្នាំម្នាក់ ដែលបានឆ្លងជំងឺនេះពីអ្នកជំងឺលោកស្រី ។ លោកអគ្គនាយកនាយកដ្ឋានគ្រប់គ្រងជំងឺឆ្លងថៃ លោកវេជ្ជបណ្ឌិត Wattanaying Charoenchia បញ្ជាក់បែបនេះនៅសន្និសីទព័ត៌មានមួយ នៅថ្ងៃសៅរ៍ ១៥ ខែកុម្ភៈ។ នេះបើតាម Reuters ។
បច្ចុប្បន្ន ថៃមានអ្នកជំងឺសរុប៣៤នាក់ ដែលក្នុងនោះ១៤នាក់ ត្រូវបានព្យាបាលសះស្បើយ និងអនុញ្ញាតឲ្យចេញពីមន្ទីរពេទ្យ។ អ្នកជំងឺនៅថៃ ភាគច្រើនជាជនជាតិចិនដែលមានប្រភពពីក្រុងវូហាន និងមួយចំនួនទៀតជាជនជាតិថៃ ដែលបានឆ្លងតាមគ្នា៕
© រក្សាសិទ្ធិដោយ thmeythmey.com