ជាតិ
រូបភាពពីសហព័ន្ធសហគ្រិនអាស៊ាន
×![]()
ដោយ: ផាត ដាណេ
ភ្នំពេញ៖ សហព័ន្ធសហគ្រិនអាស៊ាន-ចិន នៅកម្ពុជាបើកបង្រៀនមុខវិជ្ជា៣ដោយឥតគិតថ្លៃ ភាសាចិន ភាសាអង់គ្លេស និងកុំព្យូទ័រ គ្រប់កម្រិត។ សម្រាប់ថ្នាក់សិក្សាសិស្សទាំងអស់សិក្សារយៈពេល៣ថ្ងៃក្នុងមួយសប្ដាហ៍ ហើយនិងអាចជ្រើសរើសសិក្សា ថ្ងៃចន្ទ-ពុធ-សុក្រ និងថ្ងៃអង្គារ-ព្រហស្បតិ៍-សៅរ៍។ សហព័ន្ធសហគ្រិនអាស៊ាន-ចិន មានទទួលចុះឈ្មោះជារៀងរាល់ថ្ងៃ។
លោក ផល វិសាល ជាម្ចាស់សហព័ន្ធសហគ្រិនអាស៊ាន-ចិន នៅកម្ពុជា បើកបង្រៀនដោយឥតគិតថ្លៃនេះ ដោយសារចង់ផ្ដល់ចំណេះដឹងជូនទៅកូនខ្មែរ ពិសេសភាសាបរទេស ដើម្បី ងាយស្រួលក្នុងការទំនាក់ទំនង។
សហព័ន្ធ ចាប់បើកដំណើរការតាំងពីខែកក្កដា ឆ្នាំ២០១៩មកម្ល៉េះ ហើយមកទល់ពេលបច្ចុប្បន្នមានគ្រូជាង១០នាក់ និងសិស្សដែលសិក្សានៅទីនោះមានជាង៣ពាន់នាក់។ សម្រាប់ម៉ោងសិក្សាមានចាប់ពី ម៉ោង៧ព្រឹក ដល់ម៉ោង៨កន្លះយប់។
សូមបញ្ជាក់ផងដែរថា សហព័ន្ធសហគ្រិនអាស៊ាន-ចិន នៅកម្ពុជាមានទីតាំង អាគារលេខ17E0,E1,E2 ផ្លូវលេខVI-13 ស្ថិតក្នុងសង្កាត់ទួលសង្កែ ខណ្ឌទួលគោក រាជធានីភ្នំពេញ។
© រក្សាសិទ្ធិដោយ thmeythmey.com
