ជាតិ
ក្រសួងការងារឲ្យមន្ដ្រីខ្លួនប្រឡងវគ្គបណ្តុះបណ្តាល និងវិក្រឹត្យការមុននឹងចុះអធិការកិច្ច
×![]()
ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈឲ្យមន្ត្រីចាប់ពីអនុប្រធានការិយាល័យដល់អគ្គនាយករង ត្រូវប្រឡងបញ្ចប់វគ្គបណ្ដុះបណ្ដាល និងវិក្រឹត្យការ ក្រោយឆ្លងកាត់វគ្គបណ្ដុះបណ្ដាលរយៈពេល២សប្ដាហ៍។ បើតាមលោក ហេង សួរ អ្នកនាំពាក្យក្រសួងការងារ ការប្រឡងបញ្ចប់វគ្គបណ្ដុះបណ្ដាល និងវិក្រឹត្យការរបស់មន្ដ្រីថ្នាក់កណ្ដាលនេះ ធ្វើតាមប្រព័ន្ធបច្ចេកទេសព័ត៌មានវិទ្យា ដែលមានបេក្ខជនចំនួន ៣៣២នាក់។
«នេះគឺជានីតិវិធីពង្រឹងសមត្ថភាពមន្ត្រីអធិការកិច្ច។ មន្ត្រីអធិការកច្ច ជាអ្នកបកស្រាយច្បាប់វិស័យការងារ និងចុះអធិការការងារ ដូច្នេះវាគឺជារឿងចាំបាច់ដែលគ្រប់មន្ត្រីអធិការកិច្ចត្រូវតែចេះច្បាស់លិខិតបទដ្ឋានគតិយុត្តពាក់ព័ន្ធវិស័យការងារ»។ នេះជាការបញ្ជក់របស់លោក ហេង សួរ ដែលនេះជាលើកដំបូងដែលក្រសួងឲ្យមន្ត្រីប្រឡងវគ្គបណ្ដុះបណ្ដាលនេះ។
លោក ហេង សួរ អ្នកនាំពាក្យក្រសួងការងារបានប្រាប់សារព័ត៌មានថ្មីៗថា ការប្រឡងនេះធ្វើឡើង ដើម្បីឲ្យសិក្ខាកាមយកចិត្តទុកដាក់រៀនសូត្រ និងដឹងពីសមត្ថភាពខ្លួន។ សម្រាប់សិក្ខាកាមបានពិន្ទុទាបជាង៧០ភាគរយ ក្រសួងមិនអនុញ្ញាតឲ្យចុះអធិការកិច្ចឡើយ៕
រូបភាពពី ក្រសួងការងារ
Tag:
ក្រសួងការងារ
© រក្សាសិទ្ធិដោយ thmeythmey.com
