ជាតិ
សុខភាព
អ្នកដំណើរ Westerdam ដែលកំពុងនៅភ្នំពេញ និងព្រះសីហនុ ៧៨១នាក់ គ្មាន COVID-19 ឡើយ អ្នកដំណើរដែលបានចាកចេញពីអាកាសយានដ្ឋានអន្តរជាតិភ្នំពេញកន្លងមក។រូបថត សែម វណ្ណា
× ក្រសួងសុខាភិបាល នាព្រឹកថ្ងៃពុធ ទី១៩ ខែកុម្ភៈ បានចេញសេចក្តីប្រកាសព័ត៌មានពីបច្ចុប្បន្នសុខភាពអ្នកដំណើរតាមនាវា Westerdam ដោយបញ្ជាក់ថា សំណាកអ្នកដំណើរចំនួន៧៨១នាក់ ដែលកំពុងនៅភ្នំពេញ និងខេត្តព្រះសីហនុ សុទ្ធតែទទួលបានលទ្ធផលអវិជ្ជមានវីរុសកូរ៉ូណាថ្មី (COVID-19)។
លទ្ធផលដែលគិតត្រឹមម៉ោង៨ព្រឹកថ្ងៃដដែលនេះ បន្ថែមថា ស្ថានភាពសុខភាព ទូទៅរបស់អ្នកដំណើរទាំងអសើ ក៏មិនមានបញ្ហាដ៏គួរឲ្យកត់សម្គាល់នោះដែរ ហើយមកដល់ពេលនេះ គឺមានរយៈពេល១៩ថ្ងៃហើយ ក្រោយការចាកចេញនាវាពីហុងកុង រហូតមកដល់ផែព្រះសីហនុ។
ក្រសួងសុខាភិបាល បានអះអាងពីកិច្ចសហប្រតិបត្តិការយ៉ាងជិតស្និទ្ធជាមួយអង្គការសុខភាពពិភពលោក មជ្ឈមណ្ឌលប្រយុទ្ធនឹងជំងឺឆ្លងសហរដ្ឋអាមេរិក វិទ្យាស្ថានប៉ាស្ទ័រកម្ពុជា ស្ថានទូតពាក់ព័ន្ធ និងផ្នែកផ្សេងៗទៀត។
«ក្រសួងនឹងបន្តកិច្ចសហការ ជាបន្តទៀត រហូតដល់ប្រតិបត្តិការសុខាភិបាលត្រូវបានបញ្ចប់»។ នេះបើតាមការការលើកឡើងក្នុងសេចក្តីប្រកាសព័ត៌មាន៕
© រក្សាសិទ្ធិដោយ thmeythmey.com