ជាតិ
សង្គមជាតិ
សម្តេច ស ខេង៖ បើយើងផ្ទេរតែអំណាច តែមិនផ្ទេរថវិកាឱ្យរដ្ឋបាលក្រោមជាតិ គឺការគ្មានការអភិវឌ្ឍឡើយ
សម្តេច ស ខេង ក្នុងពិធីបូកសរុបរបាយការណ៍ប្រចាំឆ្នាំ២០១៩ និងលើកទិសដៅការងារឆ្នាំ២០២០ របស់ក្រសួងមហាផ្ទៃ នៅព្រឹកថ្ងៃទី២០កុម្ភៈ ។
×![]()
ភ្នំពេញ៖ រដ្ឋាភិបាលកម្ពុជា បានតាំងចិត្តយ៉ាងមុតមាំ ក្នុងការផ្ទេរធនធានថវិកាទៅឱ្យរដ្ឋបាលថ្នាក់ក្រោមជាតិ បន្ទាប់ពីផ្ទេរមុខងារ និងសិទ្ធិអំណាចឱ្យពួកគាត់ ដើម្បីអភិវឌ្ឍមូលដ្ឋានក្នុងឃុំ-សង្កាត់រៀងៗខ្លួន។ នេះជាការលើកឡើងរបស់សម្តេចឧបនាយករដ្ឋមន្ត្រី ស ខេង ដែលបានបញ្ជាក់ថា៖«បើយើងគ្រាន់តែផ្ទេរអំណាច តែមិនផ្ទេរធនធានទៅខាងក្រោមជាតិទេ គឺគ្មានប្រសិទ្ធភាពដល់ការកែទម្រង់ ឬការអភិវឌ្ឍមូលដ្ឋានឡើយ»។ 
បើតាមប្រសាសន៍សម្តេច ស ខេង ក្នុងពិធីបូកសរុបរបាយការណ៍ប្រចាំឆ្នាំ២០១៩ និងលើកទិសដៅការងារឆ្នាំ២០២០ របស់ក្រសួងមហាផ្ទៃ នៅព្រឹកថ្ងៃទី២០កុម្ភៈ ការផ្ទេរត្រឹមតែសិទ្ធិអំណាច ហើយមិនផ្ទេរធនធានថវិកាដល់រដ្ឋបាលក្រោមជាតិនោះទេ អ្នកកាន់អំណាចក្រោមជាតិទាំងនោះ មិនអាចធ្វើឱ្យក្នុងឃុំ-សង្កាត់របស់ខ្លួនមានការផ្លាស់ប្តូរឡើយ។
សម្តេចរដ្ឋមន្ត្រីក្រសួងមហាផ្ទៃ បានបន្តថា ដើម្បីឱ្យឃុំ-សង្កាត់មានការអភិវឌ្ឍល្អ ភាគីពាក់ព័ន្ធទាំងអស់ត្រូវតែពង្រឹងការពិភាក្សាគ្នាដើម្បីពន្លឿននៃការផ្ទេរថវិកាបន្ថែមទៅថ្នាក់ក្រោមជាតិ ឱ្យបានទាន់ពេលវេលា និងមានតម្លាភាព។ ហើយនិតិវិធីនៃផ្ទេរថវិកាបន្ថែមឱ្យថ្នាក់រដ្ឋបាលក្រោមជាតិនោះ ចាំបាច់ត្រូវតែមានការស្រុះស្រួលគ្នា ដោយឈរលើផលប្រយោជន៍របស់ប្រជាពលរដ្ឋនៅមូលដ្ឋាន និងគោលការណ៍ជាធរមាននៃច្បាប់រៀបចំឡើង៕
Tag:
សម្តេច ស ខេង
រដ្ឋបាលក្រោមជាតិ
© រក្សាសិទ្ធិដោយ thmeythmey.com
